Díli 28-08-2023 (LABEH )- Lia hirak ne’e hato’o husi amu selebrante , apolinario maria ornai neto sdv, bainhira prejide misa agradesimentu ba organizasaun sosiedade sivil,Lalenok Ba Ema Hotu, nian ba dala 20 iha sexta –feira foin lalais ne’e iha igreja maria auxiliadora comoro dili.
Iha omilia , padre Apolinario Maria Ornai Neto SDV, hateten, liu husi misa agradesimentu ne’e husu maromak atu proteje ema hotu iha mundu no deskobre ema ida-idak nia an nu’udar maromak nia illas hodi partisipa iha maromak nia misaun ba planu moris diak no planu salvasaun.
“Senhor Chistopher ho nia ekipa tomak NGO LABEH no familia labarik sira ne’ebe partisipa misa dader kmanek ida ne’e no selebrasaun ida ne’e hodi hakaran no agradese ba maromak nune’e mos hodi bele fo maksoin ba matebian sira pertense ba familia ngo labeh ,momentu ne’ebe furak tebes- tebes hodi fo agradese ba maromak, tamba maromak nia papel no domin ba ita ema hotu- hotu ne’ebe partisipa nune’e mos ita deskobre ita nia an nu’udar maromak nia grasa no nia ilas ne’ebe iha nai maromak nia misaun ba planu salvasaun nia, no maromak haraik ita moris ,nai maromak fo espiritu santu nian , nai maromak fo tempu ba ita habensa atu buka aprende halo moris no hodi haksolok ema ida-idak, ne’be nain maromak haraik ba ita, tamba ne’e mak ohin ita hili leitura sira ne’e foka liu ba jesus, jesus mak maromak ,jesus mak maromak nia oan ,jesus mak bibi atan diak ida ne’e mak esensiál ba ita nia moris nudar ema sarani katolika, ” Lia hirak ne’e saran husi amu selebrante Padre Apolinario Maria Ornai Neto SDV, sexta –feira foin lalais ne’e iha igreja maria auxiliadora comoro dili.
Amu selebrante ne’e hakle’an, dezenvolvimentu moris humana no valores ida-idan tan nain jesus kristu haraik kaminu no viagen moris to’o nia rohan, nune’e maroamk hadomi tebe-tebes haraik nia oan jesus mai emar sira.
“ Ita dezenvolve ita nia an moris umana, ita dezenvolve ita nia valores ida –ida, tan nai jesus kistu, tamba nai maromak haraik ita nia kaminnu viagen moris to’o nia rohan ,nai maromak hadomi tebe-tebes ita hotu ida ne’e haraik nia oan jesus mai ita no ukun fuan sagramentu hirak ne’e li-liu iha sakramentu eukaristia hodi nia domin sentidu ho sentidu fuan no gratidaun nian ba maromak nian mak liu husi santa eukaristia ida ne’e,” nia hakotu.
Hafoin remata misa agaradesimentu ne’e, Diretor Ezekutivu LABEH, Christopher Henry Samson, hato’o agradese ba ema hotu ne’ebe partisipa iha misa, liu-liu einan, aman husi estudante iha LABEH internasionál school no familia fundador balu ne’ebe prezensa.
Entretantu iha misa agradesimentu ne’e hetan partisipasaun husi director ezukutivu LABEH, staaf, estudante no inan aman husi estudante sira. Alende ne’e remata misa agradesimentu ne’e director ezekutivu hamutuk ho staff no estudante no inan aman husi estudante balun kontinua lori aifunan ba kari iha semiteriu iha raikotu, hodi fo ongra no gloria ba fundador no staff sira nebe’e fila hikas ona ba aman maromak nia kadunan santo.
Reportajen: Ekipa kobertura
