Díli -21/09/2023 (LABEH) – Kinta-feira semana kotuk, iha merkadu taibessi, bainhira jornalista LABEH, dada lia ho negosiante fa’an bua , Octavio Simão da Silva haktuir, senti triste bainhira guarda minisipiu dili, foti negosiante sira sasan ne’ebe fa’an, la fo uluk atensaun hodi bele halot , maibe bainhira guarda to’o iha fatin foti kedas produtu ne’ebe vendedor sira fa’an
Ba jornalista labeh negosiante Octavio hateten, hanesan joven nunka moe halo negosiu, tamba hare ba ekonomia rai laran ligadu ba servisu ne’ebe ladun maximu, nune’e foti dezisaun hodi faan bua atu hetan osan hodi atende ba necesidade lor-loron nian no ajuda mos familia ne’ebe husu tulun.
“ Nu’udar joven hare ba kondisaun iha rai laran ligadu ba servisu ne’ebe ladun maximu ba rai no povu ida ne’e tan ne’e hau nudar joven prontu foti dezisaun ba aktividade halo negosio faan bua atu nune’e buka netik lugru ruma hodi atende ba nesesidade ruma no ajuda mos familia balu ne’ebe husu tulun, produtu ne’ebe nian fa’an hanesan bua maibe hare mos ba nia tempu karik laiha ona entaun pasensia halimar deit lori hein to’o nia tempu mak foin faan fila fali”nia dehan
Nia hatutan,sente triste wainhira guarda munisipiu dili, sira halo kontrola iha merkadu sira la fo atensaun ba negosiante sira, maibe sira to’o foti kedas negosiante sira sasan, produtu ne’ebe fa’an , tan ne’e nia husu ba nuno governo tenki kria fatin ne’ebe diak ba vendedor sira
“kona ba nuno guverno nia kreteira ne’ebe bandu ami atu labele faan iha fatin publiku ami prontu obedese ba regras ne’ebe sira fo karik wali kota sira mai fo tempu mai ami hodi halot sasan,maibe sente triste wainhira wali kota sira laiha fo atensaun ba povu maibe sira to’o lansung foti, tan ne’e sujere ba governo tenki kria kondisaun ne’ebe diak atu nune’e inan aman ne’ebe aileba forsa laiha karik sira bele fafan sasan ho diak”Octavio salienta
Negosiuante octavio nu’udar mos joven husu ba joven-timor oan hotu ne’ebe ladauk hetan servisu kattak, ida-idak tenki sakrifika an hodi hala’o atividade negosiu nune’e bele hetan osan naton, atu suporta ba ekonomia familia nian, importante mak labele moe
“Mensagen ne’ebe mak hakarak hato’o ba joven timor oan ne’ebe namkari lemo-lemo iha timor katak nudar joven labele moe ba buat hotu-hotu maibe sakrafisiu an atu faan sasan saida deit”
Entretantu negosiante octavio husi munisipio viqueque mai hala’o negosio hanesan fa’an bua iha merkadu taibessi tan deit nesesidade familia mak obriga
Reportajen: Marcia soares
