Ermera- 06/10/2023( LABEH) – Sexta -Foin lalais ne’e , iha Munsipiu Ermera, Postu-Administrativu Hatulia(A) Suku Koliate Aldeia Aihatadiu No Manulete, Governu liu husi Reprezentante Vice II Primeiru Ministru, Ministru Dezemvolvimentu Rural no Habitasaun Komunitariu (MDRHK) no Cruz Vermella Timor-Leste (CVTL), Serviço De Apoio Sociedade Civil No Autoridade Social Timor-Leste ( SASCAS) ho Embaixador Nova Zelandia hamutuk ho komunidade sira, hala’o serimonia inagura beˈe mos husi projetu beˈe no saneamentu hodi entrega ba komunidade sira iha postu no suku refere
Tuir representante Vice II Primeiru Ministru, Ministru Dezemvolvimentu Rural no Habitasaun Komunitariu, Cristopher Henry Samson, Hateten, bee mos sai mos nudar ema ne’ebe moris, nune sente kontente ba kolaborasaun ne’ebe SASCAS iha
“Oinsa bele dada bee mos, tamba bee mos sai moris ba ita nudar ema ne’ebe moris so hau sente kontenti ba kolaborasaun ne’ebe iha atu dehan katak, SASCAS uluk iha primeiru ministru nia okos, maibe tinan ida ne’e ita nia primeiru minitru sente katak aktividade sira ne’e diak liu fo ba nia vice nia halo buat rua, primeiro nia iha vice primeiru ministru ne’ebe tau matan ba asuntu sosial saida deit mak akontese iha sosial nia fo ba vice ida, atu kaer ba fali iha asunto ekonomia nia mos iha vice ida ne’ebe kaer hodi konserta hare buat ne’ebe boot entre ita ho rai sira seluk oinsa bele hare ita nia mina rai no desemvolvimento ne’e la’o oinsa”nia dehan
Iha fatin hanesan, Embaixador Nova Zelandia, Philip Hewitt hato’o, parabens ba CVTL ne’ebe lidera ona projetu entrega beˈe saneamentu ba komunidade no servisu hamutuk ho komunidade rural no remota sira iha timor-leste
“Parabens ba CVTL ne’ebe lidera ona projetu entregadu bee saneamentu ba komunidade ne’ebe servisu hamutuk ho komunidade rural no remota sira iha timor leste liu husi proseito ida ne’e ita apoiu ona be’e mos saneamentu ba uma kain sira formasaun saude ba komunidade sira treinamentu kona ba risku dezastre apoiu komunidade sira hakiak manu kuda modo no ida ne’e bele ajuda ona komunidade atu sai independente no bele forma sira nia futuro rasik” Embaixador Nova Zelandia, Philip Hewitt hateten
Biban ne’e mos, Diretor SASCAS, Edwin Noronha, afirma,opotunidade ida ne’e hakarak atu koalia liga ho bee ne’ebe hanesan raan ba buat hotu, tan ne’e hare tau matan no koidadu didiak, tamba bee ne’e laos mai husi rai, maibe mai husi kalohan
“Ho oportunidade ida ne’e hakarak atu koalia ituan deit liga ba ita nia moris ho bee,bee ne’e hanesan ran ba ema no buat hotu, tan ne’e presiza hare tau matan no koida bee ne’e ho didiak, tamba bee ne’e la sai husi rai, bee ne’e mai husi kalohan no hela iha nia hela fatin,nia hela fatin, ne’e mak ailolon sira tan ne’e presiza respeitu mos sira nia hela fatin” Diretor SASCAS, Edwin Noronha haktuir
Iha atividade inurasaun ne’e mos, Xefi Suku Koliate, Abel Maia Da Costa, hateten, lori komunidade aldeia tolu nia naran , hato’o agradese no husu deskulpa ba CVTL, karik durante servisu hamutuk ho komunidade sira iha terrenu , balu hatudu atitude ladiak
“Agradese ba Embaixador Nova Zelandia, tamba to’o ona iha fatin ne’e hodi entrega be’e ba komunidade aldeia tolu ne’ebe atu uja,hau hanesan xefi do suku lori komunidade aldeia tolu nia fatin hato’o hela ba CVTL katak durante tinan barak servisu hamutuk ho komunidade iha fatin ida ne’e , karik komunidade sira balu nia atitude ka hahalok ruma ladun kondis hodi sira nia fatin hato’o deskulpa, tamba ema ida la hanesan ho ema barak ne’ebe balu atitude diak no balu atitude ne’ebe ladiak,”Lideransa komunitaria Suku Koliate, Abel Maia Da Costa, afirma
Entretantu iha aktividade inagura bee mos ne’e , hetan partisipa husi,representante vice primeiru ministru koordenador asuntu sosial no abitasaun urbana, diretor SASCAS, representante sekretáriu jerál CVTL, Embaixador Nova Zelandia iha tl, Diretor Ezekutivu SASCAS, Prezidente Autoridade Munisipiu,Komandante Polisia Munisipiu Ermera, Presidente Filiál No Regional CVTL, Diretor Saúde Munisipal, Konvidadus No Komunidade Postu Hatulia (A)
Reportajen : Marciana Soares, Honoriu Guterres
