Friday, July 19, 2024
HomeNEWSKomunidade  Suku Orlalan, Aldeia Torilalan  Partisipa Másimu Iha Eleisaun Orgaun Suku

Komunidade  Suku Orlalan, Aldeia Torilalan  Partisipa Másimu Iha Eleisaun Orgaun Suku

Laclubar- 28/10/2023 (LABEH)- iha loron 28 fulan outubro tinan 2023, Komunidade  suku Orlalan, Aldeia  Torilalan,  Postu -Administrativu Laclubar , munisipiu Manatuto  entujiasmu hodi partisipa másimu iha iha eleisaun orgaun suku ba periodu 2023-2023 iha ne’ene hala’o iha sede suku  Laclubar Sentru

Ba Jornalista LABEH, kandidatu xefi aldeia, Andriano Soares, hateten, husu ba kandidatu ida ne’ebe mak  manan  iha eleisaun ne’e,  hare povo sira ne’ebe mak iha susar nia laran

“Agora dadaun eleisaun suku no aldeia nian ita hare ba povo iha suku Orlalan  nia laran terus teb-tebes tan ne’e, husu ba kanditura sira ne’ebe mak atu lori iha eleisaun ne’e konsidera povo nia terus no susar lori ba aprezenta iha nasional, tamba povo hasoru terus no dezafiu oioin,tan ne’e hakarak los tau atensaun ba iha sira ne’ebe mak kbi’it laiha,oan kiak,feto faluk no labarik eskola sira hodi sira nia susar no terus tomak hodi ba apresenta iha governo, atu nune’e hodi tau matan ba sira atu hetan naroman iha nasaun doben ida ne’e,”Kandidatu Xefi Aldeia Torilalan suku, Orlalan , Postu -Administrativu Laclubar , munisipiu Manatuto  , Adriano Soares, hateten

Nia hatutan, nu’udar kandidatu ba xefi aldeia fiar an katak atu lori iha eleisaun aldeia hodi serví ba povu tomak iha aldeia refere

“ hau fiar an kandidatu ba xefi aldeia tamba hakarak duni atu servi ba povu no aldeia iha suku Orlalan atu nune’e hodi povu nia susar no terus tomak ba hato’o iha nasional tamba ami sai nu’udar matan no tilun ba povu.saida deit mak povu sira hasoru prontu servisu hamutuk ho povu sira.husu ba kandidatura sira hotu atu lori suku no aldeia lori povu sira nia susar no terus lori ba iha nivel nasional munisipio nune’e nafatin husu ba autoridade sira tau matan ba komunidade tomak iha suku nia laran,” Nia Akresenta

Iha fatin hanesan xefe suku aktuál, no  re-kandidata an mos iha suku  Orlalan , Carlos Jose Alves hatete, hare ba eleisaun suku hanesan festa demokrasia ida ne’ebe komunidade tomak nia poder hodi ejerse sira nia funsaun hodi vota ba figura  ne’ebe sira fiar.

“Hau nia hare ba eleisaun suku hanesan festa  demokrasia ida ne’ebe komunidade tomak nain ba poder hodi fo ejerse sira nia funsaun hodi hili ida ne’ebe sira fiar para oinsa atu hodi suku ne’e ba oin,hanesan kandidatura sempre fiar an katak sei manan iha eleisaun, maibe buat hotu na’in ba poder mai husi povu ,hanesan kandidatura optimista ho programa ho planu misaun vizaun ba mandatu tinan hitu garantia katak se povu hare ba programa povu sei hili ita,” Carlos Jose Alves,dehan

Iha sorin seluk joventude, Sebastião Martins dehan,  tuir observasaun direta no indireita kona-ba eleisaun ne’e, halo komparasaun entre uluk no agora diferente, tamba agora ne’e kandidatura sira mesak joven hotu deit.

“Tuir hau nia observasaun direta no indireita sobre eleisaun ida ne’e hau sente halo komparasaun entre uluk no agora hau sente ida ne’e diak liu tamba ita hare iha realidade kandidatura sira mesak joventude deit no mesak mais husi nivel edukasaun ne’ebe as tan ne’e hau fiar katak sira ne’e lori sei halo duni dezemvolvimentu iha suku no aldeia nia laran,”  Joven Sebastião Martins tenik  

Enkuantu iha eleisaun orgaun suku ne’e, komunidade aldeia Torilalan   suku  Orlalan , Postu-Administrativu Laclubar,Munisipiu Manatuto, sente kontenti hodi partisipa másimu iha votasaun refere, tanba maioria  kandidatura joven  ho nivel edukasaun hotu

Reportajen: Marcia soares

RELATED ARTICLES

Most Popular

Recent Comments