Sunday, April 14, 2024
HomeNEWSPovu fó konfiansa ba “Jeremias De Souja ” sai Xefe Suku Serelau...

Povu fó konfiansa ba “Jeremias De Souja ” sai Xefe Suku Serelau  Periódu 2023-2030

Lautém-28/10/2023 (LABEH)- Sabádu fulan kotuk, Iha sentru votasaun, Suku Serelau Postu-Administrativu  Lautém Munisípiu Lautém kandidatu interino Jeremias de Souja pronto sai servídor  ba suku Serelau,tamba hetan konfiansa husi povu.

Xefe suku interino Jeremias de Souja senti orguillu, tanba, povu  Serelau hatene ona demokrasia no mós situasaun durante tinan 7 akontese iha suku laran,agradese mós ba Inan,aman no maun alin tomak iha suku serelau ne’ebe ohin mai ejerse sira nia direitu nu’udar sidadaun nia rejultadu ne’ebe diak hatudu katak hau mak sei sai servidor iha suku refere durante tinan hitu

“Ha’u nia pograma ne’ebe ha’u sempre ko’alia durante mini kampaña ka (Door to Door ), sempre hateten primeiru mak tenke kria unidade no estabilidade tambá durante ha’u hare’e unidade iha suku laiha, segundu mak programa governu nian hanesan programa Planu Dezenvolvimentu Suku(PNDS), programa mão de obra ne’ebe governu rasik kria oinsa mak halo transparansia atu nune’e komunidade sira senti hotu dezenvolvimentu suku nian,’’ Jeremias de Souja dehan

Iha sorin seluk Denojio Soares hanesan Xefe suku atuál ne’ebe re-kandidata an ba eleisaun suku, iha Serelau, dehan, Demokratikamente povu deside oin seluk buat ne’ebe nia  espera, katak, los duni kada kandidatura ida mai  atu manan, maibe rejultadu mai, populasaun deside fó konfiansa ba kandidatu foun.

“Ha’u hanesan derota ka lakon iha eleisun ida ne’e, maibe, hanesan sidadun nafatin prepara an prontu para kontribui, ho rezultadu eleisaun ida ne’e ha’u tenke simu duni tamba ida ne’e desijaun povu nian, ho fuan bo’ot ne’e mak vida demokrasia ha’u rekoñese ha’u nia an, lakon ne’e ha’u nia kulpa dalaruma durante ha’u nia mandatu buat barak la’o ladia’k nune’e povu lakon konfiansa mai ha’u, maibe hanesan jerasaun foun nafatin kontribui ba ha’u nia rain no mós ba ha’u nia suku” nia deklara.

Nia husu mos  ba Xefe suku foun katak,  kuidadu nafatin komunidade suku serelau tomak kria paz no hakmatek hanesan be’e kopu ida labele fakar

Iha fatin hanesan eleitor, Benedito Pinto, hateten, “hanesan sidadaun hatetene katak, Xefe suku hanesan orgaun ida importante iha nasaun ida, tanba ne’e nu’udar sidadaun senti kontenti maske iha preferensia seluk, maibe kandidatura nain rua mesak suku Serelau nia oan, maibe, povu tenke identifika entre nain rua ida ne’ebe mak iha kapasidade  atu ukun nia povu, espera ida ne’ebe ha’u hili sei haree dia’k povu iha suku Serelau ho dia’k,” Komunidade Benedito Pinto haktuir

Tuir observasaun jornalista LABEH iha suku Serelau eleisaun lideransa suku mandatu 2023-2030  hatudu katak, tuir dadaus ne’ebe rezista iha orgaun eleitoral hamutuk 758 iha suku refere eleitores husi aldeia tolu mak hanesan aldeia Ra’ano, Poruvari no mós Adavari, no kandidatu Xefe do suku hamutuk nain rua kandidatu foun ho naran Jeremias de Souja ho votus 418, no  kandidatu atual ne’ebe re-kandidata an ho naran Denojio Soares ho votu 324 , maske  nune totál votu validu hamutuk  742 no votu branku hamutuk 16

Reportajen: Benvida da Costa

RELATED ARTICLES

Most Popular

Recent Comments