Tuesday, June 18, 2024
HomeNEWSTasi Ibun Bidau Sai Sasin Ba Esforsu  Maria Boavida Nia Atividade Loron-Loron

Tasi Ibun Bidau Sai Sasin Ba Esforsu  Maria Boavida Nia Atividade Loron-Loron

Díli, 31/12/2024 ( LABEH ) – Atividade hili fatuk iha tasi ibun bidau Santana , bele suporta ekonomia inan faluk Maria Boavida nian

Maria  Soares Boavida   hateten,  hanesan  inan faluk ida  la senti  kolen atu halibur fatuk iha tasi ibun, tanba nesesidade , basa dala balun senti loron nia manas no udan nia malirin 

 “Estadu mai atu muda tan ha’u  ba fatin seluk, maibe  ha’u  dehan ba sira ha’u sei lamuda tan tanba espiritu santu , ha’u labele muda tan estadu sira mos  iha  hanoin  ha’u feto  faluk  ida loloron  halibur fatuk  tasi,  maske loro manas no udan malirin nia laran maibe ha’u lalakon esperansa   hodi luta ba moris, nune’e bele hetan osan hodi sustenta ba moris loron-loron nian , dala ruma mos ladun hetan osan, maibe pasensia nafatin tamba necesidade mak obriga,”dehan Maria Boavida ba jornalista LABEH, iha bidau Santana kuarta semana kotuk

Nia hatutan, sente triste wainhira guarda munisipal sira halo kontrola iha dalan ninin  sira  la  fo atensaun ba negosiante sira,

“Ha’u sente triste wainhira guarda munisipal sira halo kontrola iha dalan ninin  sira  la  fo atensaun ba negosiante sira, maibe sira to’o foti  kedas negosiante  sira sasan  ne’ebe    fa’an , tan ne’e  ha’u  husu  ba nuno governu,  tenki kria fatin ne’ebe diak  mai ami vendedor  sira”

Inan Maria Boavida salienta ekonomia rai laran relasiona ho servisu ne’ebe la dun iha, nune’e foti desizaun hili ka halibur fatuk tasi, nune’e ema bele sosa, atu satan netik ba han no hemu loron-loron nian

“Haˈu nunka moe halo negosiu, tamba hare ba ekonomia rai laran ligadu ba servisu ne’ebe ladun maximu, nune’e  foti dezisaun hodi fa’an fatuk tasi  atu hetan osan  hodi atende ba nesesidade loron-loron nian no  ajuda  mos   familia  ne’ebe husu tulun”

Inan faluk ne’e, maske ho idade ne’ebe avansada ona, maibe la lakon esperansa ba moris, kontinua husu forsa no kbi’it ba ida ne’ebe fo ís moris, hodi bali no guia nafatin nia, atu hala’o  atividade loron-loron  ho diak, hodi nune’e bele hetan rezultadu atu responde ba nesesidade

Reportajem:  Manuela Moníz & Eufrásia Da Costa

RELATED ARTICLES

Most Popular

Recent Comments