Friday, July 19, 2024
HomeNEWSLixu Kontinua  Namkari Iha Sidade Díli

Lixu Kontinua  Namkari Iha Sidade Díli

Díli, 16/02/2024 (LABEH) – Lixu kontinua naklekar iha merkadu taibesi, no iha fatin seluk ,  tanba menus kontrola husi jestaun merkadu no komunidade inklui vendador sira la dauk iha konsensia maximu hodi soe lixu iha nia fatin,  basa lixu fo inpaktu ba ema nia saude no la hatudu imajen furak sidade nian

 Xefi suku Lahane Oriental, Trindade Amaral Pinto, hatete,laiha vontade husi saneamentu munisipal  sira, liliu  sira ne’ebe mak halo kontratu ba kareta sira ne’ebe  tula lixu ne’e, la tula  ho maximu

“Lixu ne’e sai hanesan problema boot ida no  la’os iha suku lahane de’it, maibe iha dili laran tomak ne’e lixu namkari, tamba laiha vontade husi saneamentu munisipal sira liliu ba sira ne’ebe halo ona kontratu ho kareta sira ne’ebe atu tula lixu la tula ho maximu,no problema hirak ne’e ami keiza bei-beik ona ba iha ministru ,presidente munisipio no administrador sira kona ba lixu sira” xefi suku lahane oriental, Trindade Amaral Pinto ba jornalista LABEH,sexta-feira 16/02/2024

Nia hatutan, gestaun merkadu la kontrola maximu vendadores sira, hodi labele soe lixu arbiru ,maibe tau iha fatin lixu ne’ebe prepara ona

“Saneamentu munisipal no jestaun merkadu servisu la ho seriu no  maximu hodi kontrola komunidade no vendadores sira  hodi   soe foer arbiru,liliu merkadu taibesi ne’ebe nokonu ho lixu ne’ebe mak dois hodi fo impaktu   ba  labaraik  sira ne’ebe mak eskola besik iha ne’eba,no iha dalan publiku mos nakonu ho lixu ne’ebe mak vendadores no komunidade sira soe” nia alienta

Iha sorin seluk saneamentu municipal, saturlino lopes soares, haktuir kada loron sira sempre ba foti lixu dala rua tuir regulamentu ne’ebe iha

“Loron ida ami foti lixu dala rua  tuir regulamentu ne’ebe iha tan ne’e ami sai husi uma hahu jam:02 madrugada to’o  iha fatin refere jam:03 no lixu ne’ebe mak  ami foti laos iha fatin lixu nian deit, maibe iha fatin sira ne’ebe laos lixu fatin mos komunidade no vendador sira soe lixu hotu” saturlino lopes haktuir

Lixu kontinua namkari iha fatin hotu, hodi halakon tiha sidade nia furak, no fo impaktu mos ba ema nia saude  liu-liu labarik no estudante sira ne’ebe edifisu eskola nebe besik lixu. Atu sidade dili sai furak no moos presiza ema hotu nia konsensia hodi tau lixu iha nia fatin

Reportajem: Marcia Soares Madalena Maliquias

RELATED ARTICLES

Most Popular

Recent Comments