Sunday, April 14, 2024
HomeNEWSXanana : Delimitasaun Fronteira Terrstres Laˈos Temi Deit Metru Ida Ka Rua

Xanana : Delimitasaun Fronteira Terrstres Laˈos Temi Deit Metru Ida Ka Rua

Díli,16/02/2024 (LABEH)- primeiru ministru (PM) Kay Rala Xanana Gusmão  ho ekipa gabinete negosiador fronteira tasi no raí maran aprezenta prosesu sira kona-ba disputa fronteira  tasi no rai maran, bizaela sunan obe no noel besi citrana naktuka iha Rejiaun Autónomia Espesial Oe-Cusse Ambeno (RAEOA) ba konsellu solidariedade universitáriu juventude estudante timor-lorosa’e (KSUJETIL) no estudante universitáriu sira inklui sosiedade sivil, veteranus sira ne’ebe mak dadaun ne’e sai polemika iha publiku.

Semináriu refere organiza husi koselu solidariedade universitariu juventude estudantil timor loro sa’e (Ksujetil) ne’ebe ho tema “Hametin Espiritu Nasionalizmu Iha Kontextu Komflitu Delimitasaun Fronteira Entre Timor-Leste No Indonézia”

Iha Diskursu, Prezidente Konsellu Solidariedade Juventude Estudantil Timor-Loro Sa’e (KSUJETIL), José Magno, hateten objetivu husi organiza semináriu ne’e  tanba ho objetivu ida hodi husu klarifikasaun ba xefe governu Kay Rala Xanana Gusmão  ho nia ekipa sira liu-liu rai naktuka ne’ebe mak sai polémika tebes.

“Ho esplikasaun xefe governo nian ami hotu iha konesimentu klean hodi hamoris no hametin fali espiritu nasionalizmu  juventude universitariu sira iha prosesu konstrusaun estadu no assegura nafatin  estabilidade nasionalizmu iha kontextu konflitu delimitasaun fronteira entre timor-leste ho indonézia” dehan prezidente KSUJETIL iha salaun laline larigutu díli 16/02/24

Hare ba situasaun sira ne’e ksujetil hamrik hodi promove espiritu nasionalizmu atu nune’e sosiedade sivil no akademiku sira bele kompriende asuntus fronteira raí timor leste ho indonézia nian hodi hatur no hametin lina fronteira rdtl ho indonézia husi raí maran,tasi no lalehan sai prioridade hodi kompleta nune’e bele hametin teritorial timor leste nian

Primeiru Ministru, Kay Rala Xanana Gusmão, hateten, presija entidade hotu-hotu nia kompriensaun katak bainhira delimitasaun fronteira terrestre tenki konsidera buat hotu-hotu bainhira temi fronteira  terrestre labele temi de’it metru ida ka rua maibe tenki hare mos ba aspetu sosial,kultural antropolojiku no seluk tan

” Bainhira itá manan tiha soberania tasi permanente ho austrália ha’u ba kedas oe-cusse fronteira la’o haleu hodi hare iha mota no populasaun sira nia toos no natar ba to’o iha tentará nasional indonésia sira nia postu la’os agora mak itá defende itá nia fronteira, maibe buat ne’e mai lori kedas iha tempu funu to’o agora, tanba itá koalia kona-ba ukun an laos deit prezidente, parlamentu no bandeira ida, maibe tenki manan mos soberania teritoriál tasi no raí kompletu” dehan primeiru ministru Kay Rala Xanana Gusmão

Xefe governu ne’e  esplika, servisu no esforsu gabinete fronteira terrestre no maritima timor-leste nian nébe antes ne’e fo fiar tiha ona ba embaixador roberto soares ne’ebe hala’o tiha ona durante ne’e.

Primeiru Ministru, Kay Rala Xanana Gusmão, husu ba akademiku sira atu estuda makas ba futuru hodi bele defende nafatin soberania tasi no raí timor-leste ho domin no matenek hodi servi povu ne’e ho diak.

Reportajem: Abrão Da Costa & Eufrásia Da Costa

RELATED ARTICLES

Most Popular

Recent Comments