Friday, May 24, 2024
HomeNEWSJornalista Nain 16 Sei Halaˈo Media Tour Iha Munisípiu Ermera

Jornalista Nain 16 Sei Halaˈo Media Tour Iha Munisípiu Ermera

Díli, 16/04/2024 ( LABEH) – Oxfam iha Timor-leste servisu hamutuk ho Asosiasaun jornalista Timor Loro sa’e (AJTL) hodi fasilita formasaun ba média tour nain sanulu resin nee (16) objetivu husi formasaun nee atu kadi mentalidade  jornalista sira nian hodi implementa iha área deslokasaun ne’ebe sei hala’o munisipiu Ermera.

Reprezentante Oxfam iha Timor-leste, Adilson da Costa hateten, projetu refere Oxfam mak sai nain ho objetivu ida nebe klaru tiha ona katak, hodi haforsa foin sa’e sira nia lian ho inkluzivu, nune’e bele kapasita jovem sira iha área rurál liu-liu jovem sira nébe mak inklina an iha setór agrikultura hodi haforsa diak liu tan sira nia lian ba governu, nune’e bele hetan oportunidade husi governu atu desenvolve diak liu tan kriatividade jovem nian Iha set’or ekonomia.

“Projetu ida hanaran hafoun no haforsa foinsaˈe sira nia lian no inkluzivu  nébe projetu nee hetan finansiamentu husi dfat hodi kontinua dignifika lian foin sa’e sira nian liu-liu jovem sira iha agrikultor, jovem nébe mak iha kriatividade no dia halo investimento iha área setor sira seluk tan nébe mak kontribui ba ekonomia uma laran nian”  dehan Reorezentante Oxfam Adilson da Costa ba jornalista LABEH  iha resintu oxfam delta Díli, Tersa 16/04/2024  

Reprezentante  nee esplika, liu husi média tour refere organizasaun Oxfam servisu hamutuk ho AJTL hodi buka hatene kona-ba potênsiál saida mak durante ne’e foin sa’e sira iha kriatividade ne’ebe diak iha munispiu ermera liu-liu  iha setór ekonomia no mós halo investimentu iha Setór produtivu sira seluk .

“Média tour ida ne’e ninia objetivo mak Oxfam  servisu hamutuk ho AJTL hodi halo kobertura ba foin sa’e  sira nia aktividades iha munisipiu ermera atu buka hatene potência sai ida nebe mak jovem sira iha, liga ho ekonomia no investimento iha setor produtivo selu-seluk” haktuir Oxfam

Hafoin iha média tour nee mós, jornalista sira sei halo kobertura  ba foin sa’e sira ne’ebe mak durante ne’e servisu ona iha Austrália hodi hatene mos sira nia servisu iha Austrália nune’e mós benefisiu saida de’it mak sira hetan hodi apoiu fali ba nesesidade moris iha família nian.

“Além de ida ne’e mós atu hare jovem Ka foin sa’e sira nébe mak hetan mós oportunidade ba servisu iha Raí liur Liu Liu mak sira nébe mak asesu ona workers ba servisu iha Austrália atu bele halo kobertura kona ba esperiensia sira nébe mak sira hetan durante sira asesu ona ba workers iha Austrália esperiensia sai ida mak sira kontribui iha komunidade no mós iha nível uma kain hafoin sira fila husi sira nia oportunidade ida ne’e” katak Adilson

Iha Fátin hanesan reprezentante prezidente Asosiasaun jornalista Timor lorosaˈe, kordenador Média Tour, Constâncio dos Santos Vieira, profunda  antes tun ba iha terenu ekipa média tour sira nee tenki liu husi formasaun ida hafoin mak ejekuta servisu iha terenu.

Enkuantu fasilitador ba média tour nee, mai husi SEFOPE liu husi diresaun exterior empregu mak fasilita formasaun refere ba média tour sira hodi partisipa direita iha terenu hodi  buka hatene kona-ba benfisiu sira neˈebe mak durante ne’e sira hetan.

“Oxfam mak sai nain ba projeto nee no AJTL hein ejekuta deit ne’ebe agora dadaun ne’e preparasaun hela ba média tour sira Maibe antes ba média tour tenki iha media brifeng ida nebe média brifeng ida husi sefope koalia kona ba trabalhador sejional Ka pesquisador ida ba sira no nia benefisiu ba jovem sira”

Nunee mós fasilitador husi Organizasaun naun governamentál Lao Hamutuk (LH), tanba durante ne’e mós organizasaun lao hamutuk mós akompanha hela prosesu sira kona-ba orsamentu jerál husi estadu nian ne’ebe mak aloka ba setór agrikultura nian liu-liu ba apoio setór produtivu sira seluk nébe mak apoio ba ekonomia.

“No ida seluk mak husi ngo lao hamutuk sira hanesan organizasaun ida nebe sira sempre halo kona-ba akompanha orsamentu jeral estadu ida ne’e  no sira mós sempre halo peskiza mós kona ba agrikultor no mós ba ekonomia nébe AJTL sei akompanha média hotu-hotu hamutuk sanulu resin neen nébe mak sei ba iha ne’eba, Itá sei hasoru ho TILOFE kona-ba Raí kulat iha neeba jovem produtiva sira iha gleno neeba sira halo aí kulat” hakotu kordenador Média Tour

Enkuantu aktividades refere sei halao durante Loron rua hahú husi loron 16 toˈo loron 17 semana nee hafoin desloka ba ba munispio Ermera.

Reportagem: Abrão da Costa/ Eufrásia da Costa

RELATED ARTICLES

Most Popular

Recent Comments