Díli, 30/04/2024 (LABEH) – Komunidade husi Postu Administrativu Lakluta,munispiu Vikeke hahú Atu halakon ona sira nia identidade administrativu liu husi lian materna nian hanesan ESNIA, tanba durante ne’e sira domina liu koalia lian tetum terik ho makasaˈe.
Tanba ne’e liu husi dadus nébe Sekretaria Estadu Arte no Kultura (SEA) asesu katak komunidade minoria iha postu lakluta komesa lá hatene koalia ona sira nia lian maternal, tanba domina ho lian terik ho makasaˈe.
Tuir diretor jerál Arte no Kultura, Gil Oliveira informa tuir dadus nébe mak parte diresaun arte no kultura asesu katak klaru duni lian Esnia neˈe atu lakon duni ona husi komunidade lakluta rásik.
“Tuir dadus verifikasaun nébe mak durante ne’e sekretario estadu arte no Kultura halo identifikasaun iha terenu nota katak iha postu administrativo lakluta munispio vikeke nian katak lian esni nébe mak iha lakluta nian kuaze atu lakon ona tanba hela ema oituan deit mak koalia maioria koalia kahur ona lian terik ho makasahe”dehan dj arte no kultura Gil Oliveira ba media labeh iha salaun komferensia MJDAK Terça 30/04/24 hafoin partisipa enkontru ho media sira iha salaun magna MJDAK
Diretor nee afirma, iha ona dalan ba Sekretaria Estadu Arte no Kultura, servisu hamutuk ho parseiru internasionál liu-liu UNESCO atu apoiu fundus ba UNESCO, nune’e UNESCO bele halaˈo nia servisu iha terenu atu halo levantamentu liu husi publikasaun ba sira nia servisu iha terenu iha tinan ida ne’e iha postu administrativu lakluta munispiu vikeke
“Tanba ne’e mak iha politiku nonu governo konstituisional nian Liu husi iha Sekretariu arte no Kultura Liu iha diresaun arte no Kultura tau ona orsamentu oituan hodi apoio ba iha unesko para unesko hodi halao ninia servisu hodi halo levantamento dadus ba iha lian esni iha tinan ida ne’e” tenik nia
Nia haktuir, komunidade iha Aldeia tolu (3) nébe mak sei koalia lian materna lakluta nian (Esnia), maibe husi aldeia sira seluk husi postu refere komesa halakon ona sira nia lian materna, tanba dadaun ne’e hetan sira koalia barak liu mak lian terik ho makasaˈe.
“Totál populasaun iha postu administrativu lakluta kuaze hela aldeia tolu mak koalia lian Esnia nee, maibe seluk dominante ho lian tetum terik ho makasae” hakotu nia
Liga ho asuntu ne’e, atu informa nafatin ba sidadaun hotu-hotu iha teritóriu Timor laran tomak atu labele halakon lian materna sira kada munispiu sira, husu atu valoriza nafatin lian materna sira atu nune’e garante nafatin identidade lian kada munispiu nian ba futuru tanba politiku nonu governu nian liu husi SEA ho ME tau mós garante ba lian ofisiál sira husi kada munispiu nian hafoin mak aprende fali lian ofisiál país nian no lian seluk tan husi estranjeiru sira.
Reportajen: Abrão da Costa
