Friday, May 24, 2024
HomeNEWSEBF Marinir La Iha Biblioteka Permanente Ho Fasilita Estudante Sira

EBF Marinir La Iha Biblioteka Permanente Ho Fasilita Estudante Sira

Dili, 09/05/2024/ (LABEH) – koordenador eskola bazika filial (EBF) Marinir, Justino Madeira Babo hateten, desde inisiu harí eskola EBF marinir to’o ohin loron sei la iha biblioteka atu fasilita estudante sira hodi lee.

Kordenador EBF marinir haktuir, iha nia mandatu sei buka meus oinsa hodi utiliza fali sala emisaun nian muda fali ba hamutuk ho koordenador, depois sala emisaun ne’e utiliza fali ba biblioteka nian.

“Ami hato’o ona ba parte kompetente, maibe sira sei hare, tanba eskola EBF marinir ne’e mos tama iha risku efiksaun nian, tanba edifisiu ne’e hetan ona karta notifikasaun husi estadu, entaun signifika katak edifisiu ne’e mos sei muda sai husi fatin ne’e”. dehan kordenador EBF Marinir ba jornalista iha nia knar fatin marinir, kinta 09/05/2024/

Alende ne’e kordenador EBF Marinir informa mos katak, EBF marinir desde uluk to mai ohin loron moru la iha, no agora kantina atu tein ba estudante sira mos at ona inklui biblioteka.

Entretantu EBF Marinir iha edifisiu hamutuk tolu, kompostu iha sala aula hitu. Nune’e mos totál estudante hamutuk 490 no profesores hamutuk 22, kompostu husi mane 6 no feto hamutuk nain 16.

Reportajen : Adão da Costa

RELATED ARTICLES

Most Popular

Recent Comments