Friday, May 24, 2024
HomeNEWSTL  Sei Hetan Oportunidade Ba Kompete  Jogu Tolu Iha Tailândia

TL  Sei Hetan Oportunidade Ba Kompete  Jogu Tolu Iha Tailândia

Díli, 10/05/2024 (LABEH) –  Timor-Leste hahú halo selesaun ba jogador sira hafoin ba kompete iha jogu suzuki kup no seagames iha tailândia tinan ne’e.

Dadaun ne’e federasaun futebol timor-leste hahú ona halo selesaun ba jogador sira liu husi jogu FFTL kup ne’ebe ohin hahú abertura ona nune’e hein rezultadu husi jogu ne’e rasik hodi selesaun ba jogador sira.

Iha abertura jogu, Ministru Juventude Desportu No Arte Kultura (MJDAK) Nelyo Isack Sarmento, apresia tebes ba acess federasaun sira tanba hala’o dadaun selesaun ba jogador sira, tanba tinan ida ne’e timor-leste hetan mos oportunidade ba kompete jogu futebol suzuki kup, siap kerap kualifikasaun asian  no mos seagames iha tailândia.

“Hakarak apresia ba federasaun futebol halo dadaun,tanba tinan ida nee ita sei hasoru eventus bot ida  nebe presija mos ita nia prezensa estadu iha nasionál, rezionál no mos mundiál. Tinan ida nee ita sei asesibidade ba suzuki kup itá siap kerap kualifikasaun asia ninian no sei partisipa iha sea games ninian iha tailândia,”dehan ministru juventude desportu no arte kultura iha abertura jogu FFTL kup iha estadium munisipál díli sexta 10/05/2024

Governante nee tenik , timor-leste sei ba tuir kompetisaun iha eventuál prinsipál tolu hanesan suzuki kup, siap kerap asian no mos seagames iha tailândia.

Tamba nee governu timor-leste liu husi MJDAK husu ba jogador sira atu iha espiritu nasionalízmu timor-leste nian hodi ba kompete no hatudu timor nia jogu iha internasionál no país dezenvolvidu sira no mos bele hamorin timor-leste nia naran iha país kompetetivu sira.

“Eventu tolu né’ebe mak ohin hau temi nee reprezenta estadu no reprezenta povu timor leste nebe ita tenki hatudu katak ita mos bele atu lori naran timor nee hamorin iha timor leste” tenik MJDAK

Nune’e mos iha fatin hanesan prezidente federasaun Futebol Timor-Leste (fftl) tenente jeneral Domingos Raul  “Falur Rate Laek” hateten, husu jogadores sira tenki hatudu performance diak nunee bele hetan oportunidade ba kompetisaun iha raí liur, lori timor nia naran hamorin diak liu tan iha mundiál.

“Ha’u deseja ba jogador sira atu hatudu performance ne’ebe diak hodi hetan oportunidade  ba jogu kompetisaun lori timor nia naran iha mundu” dehan prezidente FFTL Falur rate laek

Atu rekorda fali katak iha abertura jogu kualifikasaun ba jogador sira liu husi FFTL kup nee hetan abertura husi prezidente FFTL ministru juventude desportu no arte kultura no mos hetan partisipasaun másimu husi prezidente klubu sanulu resin tolu nebe mak kompete iha jogu FFTL kup nee rasik.

Enkuantu iha abertura ba jogu refere relay laleia fc ho dit fc mak abertura ba jogu kualifikasaun ne’e rasik.

Reportajen: abrão da costa

RELATED ARTICLES

Most Popular

Recent Comments