Tuesday, June 18, 2024
HomeNEWSTL Hetan Fundus Verde Ho Ambiente Globál Husi Pais Dezenvolvidu Sira Hodi...

TL Hetan Fundus Verde Ho Ambiente Globál Husi Pais Dezenvolvidu Sira Hodi Responde Ba Mudansa Klimátika

Díli,15/05/2024 (LABEH) – Oxfam Timor-leste realiza semináriu Nasionál ida ho tema aumenta rezilénsia komunidade sira nian ba mudansa klimátikas.

Ba jornalista sira iha suia Room Timor Plaza díli kuarta semana nee, Reprezentante diretor interino country Oxfam iha Timor-leste, Adilson da Costa hateten, objetivo husi semináriu nasionál nee atu konvida parseiru dezenvolvimentu sira atu partilla kona-ba sira nia servisu liu liu parte negosiau ba apoio fundus husi país dezenvolvidu sira hodi apoio fali ba país menus dezenvolvidu sira inklui Timor-leste atu aumenta rezilénsia komunidade sira nian ligadu ho mudansa klimátika nian.

“Objetivu ba workshop ida Ohin nebe mak Oxfam iha Timor leste realiza ohin seminariu Nasional kona-ba aumenta rezilensia komunidade sira nian ba mudansa klimatika ninian liu husi fundu klimatika nee projeitu ida neebe mak finansia husi Oxfam new Zelândia nebe implementa husi Oxfam Timor leste ita servisu hamutuk mos ho governo Timor leste liu husi autoridade Nasional designado no mos ita komvida mos embaxador mudansa klimatika no mos organizasaun sosiedade sivil”dehan Reprezentante diretor Oxfam iha Timor leste Adilson da Costa ba jornalista sira iha Timor Plaza Díli 15/05/2024

Reprezente nee sublinha, liu husi seminariu nee ajuda tebes parte sosiedade sivíl ho governu atu interligado opiniaun no politika planu programa sira atu tau protesaun ba ema feto no labarik feto sira inklui ema ho difiensia sira liu-liu iha impaktu ba mudansa klimátika nian ligadu ho fundus sira nébe mak koresponde ba problema sira neˈe.

“No workshop ida ohin nee bele ajuda tebes organijasaun sosiedade sivil sira no mos governo atu tur hamutuk atu fahe informasaun ba malu ba assunto sira nébe mak ligadu ho fundu klimatika liga mos ho impaktu husi mudansa klimatika ba komunidade sira liu liu ba maluk sira nébe mak mais frajil hanesan feto no labrik feto ema ho difisiensia no oinsa atu hatene kona ba governo ninia programa liga ho fundus klimatika nee rásik” tenik Adilson

Iha Fátin hanesan embaxador negosiasaun klimátika Timor-leste ba Ásia, Adão Soares Barbosa hateten, Timor-leste nia papél importante iha negosiasaun internasionál nee importante tebes, tanba Timor-leste mos hola parte hotu iha país ida nebe menus dezenvolvidu ou (ki’ak),  nune’e Timor- leste mak sai porta-voz ba país haat nulu resin tolu seluk hodi halo negosiasaun ba fundus apoio Hirak ne’e.

“Ne’ebe Timor leste nia papel importante iha negosiantes internacional nee ita foti papel ne’ebe mak importante tanba 45 países nébe mak kategorizadu hanesan país menus dezenvolvimentu sira nee fo fiar ba ita no ita mak sai porta voz ba sira halo negosiasaun atu estabelese ba fundus foun ba lakon estrague nee” katak embaxador negosiasaun Adão Barbosa

Ligadu ho fundus ba mudansa klimátika Timor leste Laos sai ba negosiasaun deit Maibe Timor leste mos sai ema ida nebe hamutuk ho ema nain rua nulu resin haat husi país hotu hotu iha mundu Timor leste mak dezena fundus operacionalizasaun fundu ida nee hetan mos aprovasaun husi komversas partes iha dubai tinan kotuk nee no dadaun ne’e Timor leste hetan tan oportunidade husi Fundus ba lakon estragus nian hodi reprezenta duni paizes menus dezenvolvidus sira hamutuk 45 paizes.

Tanba ne’e fundu klimátika verde  nébe mak Timor leste hetan husi país dezenvolvidus sira hamutuk $ 65.3 milloens dólares amerikanu fundus husi Ambiente global hamutuk $ 130 tal milloens dólares amerikanu nunee iha fundus akaptasaun ho fundus ba lakon estragus enkuantu iha fundus rua nee mak Timor leste seidauk hetan tanba nee sei presija proposta balun tan Maibe fundus Hirak nébe mak hetan tiha ona nee implementa dadadauk ona ba hodi responde ba hadia estrada rural sira hodi koresponde ba Klimatika sira iha Raí laran

Enkuantu partisipasaun iha semináriu nasionál nee hetan partisipa husi prezidente NDA, permatil, Embaxador negosiasaun inklui organizasaun sosiedade sivil sira.

Reportajen: Abrão da Costa, Honório Guterres

RELATED ARTICLES

Most Popular

Recent Comments