Díli,23/05/2024 (LABEH)- Banku Dezenvolvimentu Aziatiku (ADB) ho governu Timor-leste hahú lansa ona planu Mestre ba Transporte publiku iha Timor leste hodi Tulun nasaun nee atu atinji nia vizaun kona-ba sistema Transporte publiku ida nebe iha futuru nébe diak nune’e sei prepara di’ak liu tan hodi suporta kresimentu ekonomiku dezenvolvimentu urbanu no kualidade moris iha nasaun laran tomak.
Tanba nee Liu husi dokumentus planeamento tempu naruk nee rásik mós sei fornese roteiru ida ba kresimentu no dezenvolvimentu Transporte publiku lokal nian iha futuru.
Iha âmbitu serimonia lansamentu ba planu Mestre Transporte publiku nee diretora Nasional ADB iha Timor leste, Estefânia Dina afirma, Liu husi planu nee bele kuida Liu tan sistema sira nébe sirkula iha setor transporte publiku nian ho efikas seguru inkluzivu no mos halo rezilensia ba klimatika sustentabilidade.
“Planu Mestre nee sei asegura katak ema iha asesu ba sistema transporte publiku ida nebe eficiente, seguru,inkluzivu, no reziliente ba klima no sustemtabilidade” dehan diretor Nasional ADB Timor leste Estefânia Dina hafoin halao diskurdu iha sui Room Timor Plaza Díli 23/05/2024
Diretora nee akresenta tan, Plano mestre nee mós sei kontribui hodi alkansa dezenvolvimentu ho karbonu kiik no kresimentu energia nébe eficiente iha setor Transporte tuir Timor leste nia kontribuisaun Nasional nébe determinado ona hahu husi tinan 2023 to’o tinan 2030
Nune’e Timor-leste lansa planu Mestre Transporte publiku fasilita transformasaun ba Transporte publiku iha sidade laran no ba Munispiu liu husi revizaun ba Rute Transporte publiku nébe existe hadia instalasaun Bus para Fátin no terminal sira, no estabelese Rute foun ba Bus publiku sira fo mos orientasaun ba organizasaun sira nébe Jere no Opera sistema Transporte publiku ida nebe hein katak, sei hametin Timor leste Dili nia pozisaun hanesan sidade kapital nasaun nian nuudar sentru Transporte no mós hadia asesu ba servisu publiku no oportunidade ekonomiku ba Timor oan sira liu husi Transporte publiku.
Iha Fátin hanesan Ministru Transporte Komunikasaun( MTK) Miguel Manetelo, afirma k, Liu husi lansamentu ba programa mestre nee hanesan asuntu ida nébe importante tebes ba Timor leste atu muda an husi sistema interligado iha setor transporte nian nébe durante ne’e lentu hela maibe Liu husi lansamentu ne’e rasik espera katak ba futuru sistema iha setor transporte publiku nian iha mudansa no mos kulidade.
“Nesesidade ba transporte publiku nian Iha Timor leste sai hanesan asuntu ida nebe mak importante tebes liu liu nesesidade atu desenvolve no habelar transporte publiku ho kualidade ho rekursu Raí no desenvolvementu nébe limitada dehan Ministru Transporte Komunikasaun (MTK) Miguel manutelo
Ligadu ho lansamentu nee ba futuru (ADB) iha kompremisiu atu alkansa Azia no pasifiku ida nebe próspero inkluzivu reziliente no sustentável iha tempu hanesan mós atu sustentá nia esforsu sira atu halakon pobreza extrema, tanba nê liu husi lansamentu nee hetan partisipa husi Vise-Primeiro Ministro no Ministru Asuntus Ekonomiku, Ministro Transporte Komunikasaun, Sekretariu estadu Komunikasaun sosial, Ministra finansas, Reprezentante Ministru justiça no mos empresáriu sira husi publiku no privado sira.
Reportajen: Abrão da Costa,Eufrásia Ximes
