Tuesday, June 18, 2024
HomeNEWSUNETIL Asina Akordu Ho ME Hodi Estabelese Atividade Iha Kurikulum Ba Manuál...

UNETIL Asina Akordu Ho ME Hodi Estabelese Atividade Iha Kurikulum Ba Manuál Edukasaun

Díli, 24/05/2024 (LABEH) – Organizasaun Unidade Nasional Eskuteiru Timor-Leste (UNETIL) halo ona akordu ho Ministériu Edukasaun (ME)  hodi servisu hamutuk nunee estabelese mós aktividades eskuteirus nian iha estra kurikuler manuál edukasaun nian ba eskola hotu iha timor-leste.

Tanba nee liu husi despaixu  ministériu edukasaun nian sei hato’o fali ba eskola sira nune’e atividade eskuteirus nee sai mós aktividade obrigatóriu iha eskola sira iha território timor laran tomak, tamba nee  akordu nee rásik sei halao iha ensinu báziku, terseiru siklu no ensinu sekundáriu jerál sira

Ba jornalista sira iha salaun vip ministériu edukasaun villa verde, ministra edukasaun,Dulce Maria De Jesus, hateten, aktividades kurikuler nee sai hanesan aktividades obrigatoriu ida ba eskola sira hotu atu estabelese nunee bele desenvolver estudante sira nia abilidade oinsa kria paz no estabilidade iha amigu solidáriu.

“Aktividade ida ne’e sai hanesan obrigatóriu, tanba nia sai hanesan aktividades extra kurikular  nébe mak fo ajuda dezenvolvimentu labarik sira nian dezenvolve sira nia abilidade no oinsa mak sira bele hamutuk kria paz atu bele ajuda malu i sai amigos nune’e labarik sira hahu kedas ho idade kiik sira bele komprende ona oinsa mak moris iha sosiedade ida nebe mak diak, oinsa mak sira bele ajuda ema” katak ministra edukasaun (ME), Dulce Maria De Jesus ba jornalista sira hafoin serimonia assina akordu ho unetil iha salaun vip vila verde díli sexta 24/05/2024

Governante ne’e afirma eskutizmu nia papel ida nebe diak mak hanesan halo armonia ba ema hotu, no sira nia domin hahu husi ema otas nurak mos ba ema otas boot sira, no eskutizmu nia papel laos ba kria domin deit maibe iha mos servisu voluntarizmu ba atividade sai deit mak iha bainhira eskuterius sira inklina an.

“Eskutizmu nia diak ida mak nia amigo ba ema hotu nia amigo ba labarik ba foin sa’e ba ema katuas ferik sira nia amigu ba ema hotu no nia mós sai hanesan isipiritu voluntarizmu iha komunidade nia leet por exemplo se akontese desastre naturais ruma iha komunidade nia leet se iha neeba mak iha ona eskuteriu entaun nia bele bok an tanba nia rásik aprende ona husi espiritu voluntarizmu” tenik nia

Iha fátin hanesan prezidente Unidade Nasional Eskuteiru Timor-Leste (UNETIL), Idelta Maria Rodrigues, akresenta nia protidaun ba akordu ida ohin ho minitra edukasaun nee atu define lolos estabelesimentu eskuteirus nian em termus liu teknikal no mós operasionaliza servisu ministeriu ho organizasaun nian liagdu ho mandatu sira nébe mak durante ne’e hela too ohin loron bele iha nia finalidade.

Nunee liu husi assina akordu nee mós unetil presija tan tulun husi ministeriu edukasaun atu apoio rekursu balun hanesan korpu de formadores hodi haforsa diak liu tan servisu nébe mak unetil sei presija

“Akordu ida ne’e sei define ami nia enkontru regulares ba trimestral ba oportunidade ida nebe importante tebes atu kordena teknikamente atu operasionaliza servisu nian baseia ba mandatu sira nébe ohin sita hela iha, tanba ami iha korpu de formadores nébe mak rekonesidu iha nível regional no internasional tanba atu fo formasaun nee iha ninia regra duni tanba ne’e mak iha korpu formadores nébe ke lá sufisiente maibe presija aumenta” dehan prezidente UNETIL, Idelta Maria Rodrigues

Hatan ho fuan bot prezidente UNETIL, Maria Rodrigues, firme nafatin servi ho fuan durante ne’e luta hela ba unetil nia existência hakarak atu estabelese mós unetil nia aktividades ba kurikular iha manual edukasaun nian maibe ohin realiza duni katak apartir hahu husi ohin no ba oin unetil ho vontade tomak atu halao servisu.

“Hanesan eskuteirus sempre prontu  i ami hein kleur tebe-tebes tanba dala barak professores sira tuir aktividades aprendisajen maibe dala ruma mós movida sira mai tuir formasaun mós difisil tebe-tebes maibe akordu ida ne’e fo biban ba sira katak itá iha ona akordu ida ho ministeriu edukasaun i professores hotu hotu nébe mak agrupamento iha agrupamentu fasilmente atu halo servisu vontade”.dehan nia

Enkuantu iha akordu nee UNETIL ho ministériu edukasaun hala’o validasaun ba akordu nee durante tinan haat (4) iha mandatu nonu governu konstituisionál nian.

Reportajen: Abrão Da Costa

RELATED ARTICLES

Most Popular

Recent Comments