Díli, 29/05/2024 (LABEH)- Oxfam iha timor-leste servisu hamutuk ho Asosiasaun Jornalista Timor-Lorosaˈe (AJTL) halo komunikadu imprennsa hodi ko’alia kona-ba asaun ba Justisa klimátika iha Timor-Leste.
Strategy and Engagement Lead Oxfam in Timor-Leste, Adilsonio da Costa Junior hateten, Programa media tour ida ne’e liga liu ba asuntu mudansa klimátiku ne’ebé fo impaktu ba komunidade sira, liu-liu ba ema vulneravél feto no ema defisíensia sira.
Entaun Oxfam iha loron rua ga tolu liu ba servisu hamutuk ho AJTL molok halo media tour, organiza workshop, konvida mos husi lao hamutuk fahe oituan esperesia no informasaun liga ho asuntu sira ne’ebe liga ba mudansa klimátika ninia.
Media tour ida ne’e sei lao durante loron tolu nia laran jornalista sei vizita munisipiu Lautem postu-administrativu Lore halo kobertura kona-ba asunto oin-oin ne’ebe mak deskuti iha loron rua ne’ebe liga ho agrikultura, infrastrutura Estrada, produsaun agríkola no asuntouambiente
“Ami hanoin katak programa media tour ida ne’e lao ho di’ak, no hetan informasaun ne’ebe naton sai evidensia hodi kontinua informa ba governu, oinsa sira nia programa ou politika no orasamentu liga ba asunto ne’ebe sai prioridade ba situasaun mudansa klimatika ba komunidade nia moris ne’ebe iha area rural”. Dehan strategy and engagement lead oxfam in timor-leste, Adilsonio Da Costa Junior, iha Oxfam hudi laran, kuarta 29/052024
Nia hatutan, oxfam ninia servisu hamutuk ho ajtl halo desde tinan rua liu ba ita hahu media tour hodi halo kobertura konaba asunto joven agrikultura no konservasaun bee, no media tour sira ne’e halo iha munisipiu oioin hanesan ermera oe-cussi, nune’e husi deskobre sira ne’e ita kobertura, no jornalista sira halo ne’e ita uza sai hanesan evidensia realidade ne’ebe komunidade nia moris iha area rurál.
“Ita iha diakusaun antes halo dezisaun konaba identifikasaun area kobertura ba media tour laos akontese postu lore maibe ita mos halo media tour oe-cussi baucau no mos ermera ita deside arae sira ne’e tanba ita hotu hatene katak kobertura ba media asunto sira iha area remotas ne’e susar tebes”. Nia dehan
Alende impaktu husi mudansa klimátika ne’e estrada sira sai aat liu tan, to’o agora joven barak lakon vida tanba estrada ne’e rasik tinan rua ba kotuk estudante nain rua husi lore sira halo viagem mai eskola depois fila kareta baku fila sira tenki hakotu sira nia vida, no mos komunidade barak afeta estrada ne’e rasik no labele lori produtu mai fan iha merkadu susar atu ba saude no feto tenke lakon nia vida tanba problema Estrada.
Iha fatin hanesan prezidenti AJTL, Maria Jevonia Viera Fernandes, apresia tebes servisu kolabora ho oxfam iha timor leste ne’ebe mak fo informasaun oinsa halo atu envolve asosiasaun jornalista timor-leste hodi halo advokasia konaba problema asunto mudansa klimatika no oinsa mak halo advokasia makas liu tan ba justisa klimátika
“AJTL kontinua fo espasu ba nia membru sira hakerek barak liu konaba lian kbiit laek sira ne’ebe mak sente mudansa injustisa akontese ba sira, liu-liu mudansa klimatika ne’ebe mak moris hanesan tos nain sira feto vulneravel no ema difesensia sira, i no ferik katuas sira ne’ebe mak hetan inpaktu bo’ot husi krize mudansa klimatika ida ne’e”. Prezidente AJTL relata
Nune’e AJTL koragen nia membru sira hodi foti kobertura sira ne’ebe mai husi kibit laek sira atu nune’e bele ajuda ita nia governu atu tau importansia ba problema mudansa klimatika no oinsa atu prioridade ba asuntu justisa klimatika, atu ema vulneravel sira sente iha impaktu mudansa klimatika bele hasoru sobrevivente.
AJTL kontinua servisu hamutuk ho oxfam hodi promove no luta ba iha justisa klimatika, ita hatene katak justisa klimatika akontese tanba ema povu ki’ik sira hetan afeita bo’ot liu ba iha problema mudansa klimatika.
Tanba ne’e ohin loron media tour AJTL ba dahuluk lansa projetu Oxfam apoiu husi hongkong sei ba munisipiu Lautem postu-administrativu Lore atu bele foti asuntu sira ne’ebe durante ne’e jornalista sira sidauk halo kobertura ba iha problema asessu bee estrada no asunto sektor produtivu sira ne’ebe sidauk to’o ne’eba.
Enkuantu jornalista sira ne’ebe partisipa iha midia tour ne’e, feto no mane hamutuk nain sanulu resin hitu (17).
Reportajem : Adao Da Costa
