Tuesday, June 18, 2024
HomeNEWSMarciana  Hetan Moras Difisíensia Fíziku  Durante Tinan Naruk Ona , Maibe Ladauk...

Marciana  Hetan Moras Difisíensia Fíziku  Durante Tinan Naruk Ona , Maibe Ladauk Hetan Apoiu Ruma

Lautem, 31/05/2024 (LABEH) – Marciana Ximenes tinan 25 , oan husi Carlos Fernandes no Justina Ximenes,  moris iha Munisipiu Lautem, Postu-Administrativu Lore, suku Lore 1, Aldeia Vailana, 29 marsu 1999, oan da-ruak husi maun alin nain lima, Marciana nia maun no alin mane ida mate, dadaun ne’e defisiensia fiziku ho nia alin feto 2, nia ho kondisaun difisiensia fiziku ne’e kauza husi moras malaria hafoin  halai ba ai laran fila fali ba uma, isin manas, estika an to’o hetan difisensia fiziku iha idade fulan 11 até a data seidauk hetan subsidiu defisiensia nian husi parte governu.

“Durante defisiensia fiziku moris ho idade 25 ona, maibe la iha ema ida mai hare’e no apoiu, Xefe Aldeia Vailana maka lori nia naran ba ona suku Lore 1, maibe Autoridade lokal sira mos mai hare’e ona nia kondisaun maibe dehan presiza nia dokumentus hanesan kartaun eleitoral no bilete identidade, i ami nia razaun mak, ami nia oan defisiensia bo’ot ona hanesan ne’e, oinsa ami kous ba tarata nia dokumentus, tanba toba los deit ne’e atu foti nia foto iha ne’ebe maka ba halo nia BI”. Inan husi defisiensia konta tuir,ba jornalista sira iha Lore 1, sexta-feira 31/05/2024

Nia dehan, momentu STAE mai halo ona nia eleitoral,maibe atu hetan direitu difesensia nian mos presiza tan BI,entaun ami deside, husik ba la hetan mos nu’udar inan no aman esforsu hodi bele sustenta nia moris.

Alende ne’e difisiensia Marcia nia mama haktuir, Marciana  moris mai ho kondisaun diak, hamrik mesak hatene ona, depois ba iha idade fulan 11 maka hetan moras ne’e, entaun lori nia ba hospital Lospalos hodi halo tratamentu iha defisiensia fiziku nia laran durante fulan 7, sona  hela deit, maibe moras la iha mudansa, entaun doutor sira dehan malaria maka sirkula ona iha nia ulun, nune’e ami mos osan la iha atu kontinua tratamentu entaun alta fila fali mai uma. Nune’e Inan difisiente haktuir, ba hospital mos la iha mudansa fila mai liman ain toos nafatin, hader no tur la diak, toba los deit.

Nia afirma, nu’udar inan esforsu ba nia maka nia moras hodi buka osan hola nia ai moruk antibiotik ruma hodi fó no hola nia popok tamba nia labele ba sentina. Nia hamlha hamrok, Marsiana labele koalia maibe nu’udar inan akompaña durante tinan naruk sente rasik entaun fo han tuir oras, dader matabixu meiudia nian no kalan nian la falla.

Entretantu inan husi  defisiensia  akresenta, maske nia kondisaun difisiensia fiziku,maibe nu’udar inan no aman nafatin hadomi no tau matan iha nia moris, se ita la tau matan maka nia lakon vida, ita hetan pekadu boot.

Iha fatin hanesan aman  husi difisensia fiziku ne’e ,  Carlos Fernandes hateten, nu’udar aman ho esforsu saida deit hodi sustenta Marsiana tamba nia mos iha direitu moris no hetan domin husi aman no inan.

Maske Marciana ho kondisaun fiziku maibe inan aman iha obrigasaun moral tenke buka, ne’ebe dadaun ne’e, Marciana nia apa koa tua no produs tua sabu no mos buka nuu halo maran hodi fa’an maka sustenta Marciana nia nesesidade loro-loron.

Marciana nia apa koa tua ho nia esforsu maka hun sia, kada fulan produs tua sabu bidon 1 no fa’an masa lima litru (5 liter) ho folin dolar ruanulu ($20.00). nune’e mos Nuu maran ema ba tetu direita iha uma, kada kilo grama sentavu ruanulu resin lima ($0,25/kg).

“Hau la lakon vontade buka osan no hahan hodi sustenta ha’u nia oan defisiensia hanesan mos ho ninia alin nain rua tamba hau labele hanoin aat ba nia, se hanoin aat, hau sala no Maromak kastigu hau,” ho hakerik nia konta.

Enkuantu Inan no Aman Difisensia fiziku ne’e la husu kadeira roda ka buat barak iha govrnu, maibe  Marsiana mos iha direitu moris no nu’udar sidadun presiza finanseiru ruma hodi sosa ba nia popok no hahan hodi aguenta moris iha mundu ne’e.

Enkuantu  informasaun ne’e foti liu husi atividade midia tour asaun ba mudansa klimátika, ne’ebe mak organiza husi AJTL ho OXFAM iha Timor-leste

Reportajen: Adão da Costa

RELATED ARTICLES

Most Popular

Recent Comments