Tuesday, June 18, 2024
HomeNEWSTL Ho Xina Kontinua Hametin Relasaun Servisu Iha Setór  Defeza

TL Ho Xina Kontinua Hametin Relasaun Servisu Iha Setór  Defeza

Díli, 30/05/2024 (LABEH) – Ró ahi  forsa navál husi nasaun Xina  ho naran “Qi Jiguang” ofisiál halo vizita mai Timor-Leste, no dadaun nee ro ahi refere atraka hela iha portu díli. Objetivu husi vizita ne’e oinsa Timor-Leste ho Xina kontinua hametin relasaun servisu iha area defeza nian.

Nune’e bainaka importante sira nee simu diretamente husi, vise xefe estadu Maior Jenerál Falintil-Forsa Defeza Timor-Leste (F-FDTL), Maijór Jenerál Calistro Santos “Coliati” no akompaña husi embaixadora Xina iha Timor-Leste Wang Wenli, inklui direjente sira husi ministériu defeza no forsa komponente navál F-FDTL sira.

Hafoin vizita tiha Ró Qi Jiguang Vise Xefe Estadu Maiór Jenerál Falitil-Forsa Defeza Timor-Leste (F-FDTL), Maijór Jenerál Calistro Santos “Coliati”, hateten prezensa  ró marina   Xina mai Timor-Leste nu’udar tradisaun militár marina iha mundu atu hametin kooperasaun entre rai rua ne’e liu-liu iha setor defeza nian.

“Vizita ida ne’ebé ita nia parseiru sira husi Xina mai vizita Timor-Leste  ne’e parte ida husi tradisaun ezersitu marina ninian sira iha ne’e hahú ohin to’o dia 3 juñu. Ida ne’e sinál atu hametin ita nia kooperasaun entre Xina ho Timor-Leste,” vise xefe estadu maiór jenerál Falitil-Forsa Defeza Timor-Leste (F-FDTL), maijór jenerál Calisto Santos “Coliati” hateten ba jornalista sira hafoin vizita ba iha ró qi jiguang iha portu dili, kinta, 30/05/2024

Maijór jenerál ne’e hateten, durante estajiu ró forsa marina iha Timor-Leste, forsa marina Xina sei halo vizita estudu akadémiku  ba Institutu Defeza Nasionál (IDN), komponenete navál F-FDTL iha hera no sei halo mós jogu amizade entre forsa navál Xina ho forsa navál F-FDTL sira.

Maijor jenerál hateten, ho vizita ró forsa marina Xina ne’e F-FDTL kompromete força komponente navál kontinua hametin kooperasaun ho governu Xina liu-liu iha área kapasitasaun oinsá eleva koñesimentu militár f-fdtl sira nian liliu ba iha sensia militár nian.

“Ita kontinua hametin kooperasaun ho Xina ne’e sem duvida, tanba liu husi kooperasaun ho Xina durante ne’e ita nian militár hosi komponente navál barak mak halo formasaun iha Xina ate sira rasik mak sai hanesan interpreter ba lian mandarin ba jenerál sira,” nia afirma.

Entertantu tuir ajenda ne’ebé iha, kapitaun  rô ahi “Qi Jiguang” comandante força navál Xina ne’e, sei halo vizita ba entidade nivél altu nasaun nian, hanesan ministru defeza, xefe estadu maiór jenerál F-FDTL,  komandante komponente navál F-FDTL,  IDN, no seluk tan tuir sekuensia ne’ebe sira iha.

Reportajem: Abrão da costa

RELATED ARTICLES

Most Popular

Recent Comments