Tuesday, June 18, 2024
HomeNEWSInan Lídia Substitui Nia Kaben  Difisíensia Matan, Hodi Halo Toˈos No Buka...

Inan Lídia Substitui Nia Kaben  Difisíensia Matan, Hodi Halo Toˈos No Buka Osan Atu  Satan Ba Nesesidade Família

Lautem, 30/05/2024 (LABEH)- Inan feton Linda Ximenes ho idade 54 sai hanesan xefe  familia hodi substitui nia katuas oan ne’ebe mak hetan difisiensia matan. Moris hanesan agrikultor hala’o nia atividade loron-loron faan nu’u maran, halo toos  hodi sustenta nia familia, maibe akontese mudansa klimátika nune’e rezultadu produsaun ladun fo benefisiu ba inan Lidia ho nia família.

Inan feton Linda Ximenes konta, durante nia katuas oan hetan moras difisiensia matan, nia mak substitui fali nia katuas oan nia fatin buka osan liu husi faan nu’u maran hodi sustenta nia katuas oan no oan nain 8, kompostu husi mane 4 no feto 4.

Nune’e liu husi atividade faan nu’u maran ne’e mak atende oan sira nia eskola no nesesidade familia nian, maibe hanesan feto, servisu ne’ebe todan ba nia mak halo lutu, tanba ida ne’e servisu ne’ebe mak todan, maibe nudar inan ho vontade nafatin hodi hala’o servisu ida ne’e.

“Hau halo tos mesak tanba hare ba  ha’u nia laen nia kondisaun ne’ebe  moras ho difisiesia matan, no  serbisu ne’ebe todan ba ha’u maka  halo lutu ba tos nebe hau halo, no lutu  ne’ebe ha’u halo maibe hau nia forsa la to’o, i ha’u labele asesu ba produto ne’ebe  iha tos laran ida, entaun ida ne’e maka halo hau mos senti tristi  hare ba ha’u   nia moris ida ne’e, maibe simu deit tanba ida ne’e mak realidade moris”. Ho halerik Linda Ximenes dehan ba jornalista iha nia hela fatin Horolata, Suku Lore1 postu lore munisipiu Lautem, kinta 30/05/2024  

Nia dehan, osan ne’ebe hetan liu husi faan nu’u maran ne’e fahe ba oan sira, maibe karik fahe la to’o balun la fo, entaun faan nu’u maran ne’e mak osan la to’o nafatin atu sosa fos, inan ne’e ba fali to’os hodi buka produtu ne’ebe iha to’os laran mak fa’an fali, maibe kuandu ida ne’e mos la to’o nafatin pasensia, tanba moris mak hanesan ne’e ona.

“To’os ne’ebe ha’u halo maka  kuda  produtu lokal hanesan batar, talas no aifarina, maibe lutu ne’ebe ha’u halo ladun diak tanba ha’u mos laiha forsa atu halo diak hanesan mabe sira halo, entaun animal  hanesan karau sira mak estraga hotu,  ne’ebe ida ne’e mak bainbain akontese”. Nia esplika

Enkuantu ho mudansa klimátika  ne’ebe akontese entaun fo impaktu no estraga hotu produtu sira ne’ebe iha to’os laran, no produtu ne’ebe kuda iha tos laran atu lori ba merkadu mos la to’o tanba  to’os ne’ebe iha  kik tebes, ne’ebe la sufisiente atu sustenta familia uma laran.

Entaun nu’u maran ne’ebe maki nan Linda Ximenes faan kilu ida osan sentavu rua nullu resin lima (0,25), no nia la lori ba faan iha merkadu, tanba kestau  kondisaun estrada at no distansia, ne’ebe inan Linda faan deit iha fatin.

“Nuu neˈebe fan hau la lori ba merkadu fan  iha uma deit, karik sira hola kilu ida kuarter, no nuu ne’ebe fan ne’e kuando la folin pasiensia, no senti tristi bainhira la folin, maibe atu halo nusa, tanba ida  ne mak kondisaun hau nian, atu halo tan saida, entaun pasiensia karik hamlaha”. Inan linda konta ho matewen

Enkuantu informasaun ne’e jornalista sira hetan liu husi atividade media tour ne’ebe realiza husi asosiasaun jornalista timor lorosae (AJTL) servisu hamutuk ho Oxfam iha Timor-Leste, no hetan fundus husi Oxfam Hongkong.

Reportajen : Adão da Costa

RELATED ARTICLES

Most Popular

Recent Comments