Tuesday, June 18, 2024
HomeNEWSAJTL Husu PA-RAEOA Fo Sansaun Forte Ba Pesoál Protokolu Neˈebe Halo Aktu...

AJTL Husu PA-RAEOA Fo Sansaun Forte Ba Pesoál Protokolu Neˈebe Halo Aktu Violasaun Hasoru Jornalista Tatoli.IP

Díli, 06/06/2024 (LABEH)- Asosiasaun Jornalista Timor- Leste (AJTL) Husu Prezidente Autoridade Rejiaun Administrativa Espesiál Oe-Cuse Ambeno (PA-RAEOA), Rogerio Tiago Lobato, atu foti medida rigorozu no sansaun ne’ebe forte hasoru pesoál protokolu prezidente PA-RAEOA nian,  ne’ebe mak halo asaun violentu hasoru jornalista Agensia Tatoli.IP nian iha RAEOA, bainhira hala’o kna’ar iha terrenu.

Sekretáriu jerál AJTL, Acacio Pinto, hateten, aktu violentu neˈebe pesoál protokolu  husi PA-RAEOA nian halo  hasoru jornalista Tatoli.IP Abilio Elo Nini, iha 4 junu 2024, ne’e hakanek ona liberdade imprensa no valór demokrasia iha Timor-Leste. No Nu’udar tentativa  ameasa ida ba independensia jornalizmu no imprensa iha Timor-Leste.

“AJTL kontra no kondena aktu violentu hasoru jornalista Tatoli ne’ebé komete husi pesoál protokulu iresponsavel RAEOA nian tanba aktu violente ne’e sei hatauk jornalista no mídia atu iha kontestu kobertura no publikasaun notísia, liu-liu atu garante papél media kontrolu sosiál”. Dehan Sekjen AJTL Acacio Pinto ba jornalista liu husi komunikadu imprensa iha salaun AJTL Fatuhada, Kinta 06/06/2024/

Tanba ne’e AJTL husu ba  SEKomS atu komunika ho instituisaun sira estadu nian, atu respeita mídia no jornalista nian servisu no kolabora atu sira livremente asesu ba espasu públiku hotu-hotu hodi asesu informasaun sein iha impedimentu.

Nune’e  Jornalista no kanál mídia hotu-hotu iha rai laran atu fó solidariedade ba malu hodi kontinua publika kazu ne’e to’o hetan solusaun loloos no justu.

Enkuantu iha AJTL nia komunikasaun ho jornalista ajensia Tatoli nian nebe hetan aktu violasaun husi pesoal protokolu ne’e katak, nia rasik hateten konaba kazu ne’e nia sei kontinua ba prosesu dalan legál.

“Ami nia komunikasaun ho ita nia maluk jornalista ne’e nia rasik mos hateten katak, kazu ne’e nia sei kontinua liu husi prosesu dalan legal, tanba ita hotu hatene katak, lei komunikasaun sosial garante iha artigu 8 ne’e gante katak, ema sira ne’ebe mak servisu iha estadu ne’ebe mak impede servisu jornalismu iha fatin publiku sira, nia bele hetan pena prizaun tinan rua ou tolu, no nia bele fo multa”. Nia hakotu

Reportajen : Adão Da Costa

RELATED ARTICLES

Most Popular

Recent Comments