Díli, 05/06/2024 (LABEH) – Iha âmbitu seminariu nasional ba moras moras raiva ho tópiku “Kooperasaun Sientífika Atu Kria Ambiente Livre Husi Rabies Iha Timor-Leste,”reitor UNTL husu ba Ministeriu Saúde ho Ministeriu Agrikultura Peska Pekuaria No Floresta tau atensaun ba virus rabies iha Timor-Leste.
Iha diskursu reitor UNTL, João Soares Martins, hateten timor-leste livre antigamente husi rabies, maibe dadaun ne’e rabies komesa iha ona husi flores daet mai Timor parte osidentál nian, nune’e iha fulan janeru tina ne’e iha ona vítima ida husi rejiaun administrativa espesiál oecusse Ambeno.
“Timor -Leste livre antigamente husi rabies, maibe dadaun ne’e rabies komesa iha ona, komesa husi flores daet mai Timor husi parte osidentál nian, nune’e iha fulan janeru tina ne’e ita iha ona vítima ida husi postu administrativu oecusse ambeno,ne’ebe mak sai eroi primeiru ba vítima rabies nian. Tanba ne’e triste tebes ho akontesimentu ba kazu raiva ne’e “ dehan reitor UNTL, tersa-feira 05/6/2024
Nia dehan akontesementu kazu ida neˈe, dada atensaun husi governu no Ministeriu Saúde no mos Ministériu Agrikultura neˈebe mak servisu makas oinsa atu bele kontein alastra husi viruz rabies nee mai Timor-Leste.
Nia parte agradese tamba ekipa neebe mak hala’o hela vasinasaun lao tama sai uma hodi halo vasinasaun no hatudu governu iha seriedade teb-tebes ba moras refere.
“Governu iha seriedade teb-tebes ba moras refere ba komunidade akadémika, eventu nee importante tebes tanba dezafiu bot ida ba ita atu koinese diak liu tan oinsa raibes nee nia natureza ho nia maneira transmisaun no fatores saida deit mak kontribui ba alastra ou habelar transmisaun,”nia haktuir
Enkuantu reitor UNTL husu ba komunidade akadémika obrigasaun tenke hatene oinsa raibes nee nia natureza ho nia maneira transmisaun no fatores atu nune’e bele habelar informasaun ba komunidade sira , bele kuidadu liu tan no prevene moras raiva no mos moras kontazioza sira seluk moras ida ne’ebe mak adaet husi animál ba ema babain ka zenotika.
Reportajen: Ekipa kobertura
