Díli, 10/06/2024 LABEH – Instituto Nasional de Combate Ao Hiv-Sida, (INCIDA,IP ) Hala’o sosializasaun liu husi semináriu nasional,hodi fahe informasaun ba Fans Club husi Radio LABEH hamutuk nain atus ida resin iha edifisiu incida pante kelapa dili, objetivu husi sosializasaun ne’e atu fahe informasaun ba joventude sira atu hadok aan husi moras HIV-SIDA.
Iha ambitu sosializasaun ne’e Diretor Ezekutivu Lalenok ba Ema Hotu (LABEH) Christopher Henry Samsom hateten, hare ba situasaun ne’ebe realidade hatudu katak ema barak mak hetan ona moras husi HIV SIDA tanba kauza husi sexu livre, nune’e Lalenok Ba Ema Hotu konsidera moras ne’e sei fo impaktu ba jovem sira nia vida no problema boot iha futuru.
Tanba ne’e liu husi, sosialiazasaun ne’e atu fahe informasaun ba sira atu halo prevene ba sira nia aan rasik nune’e evita labele halao relasaun sexual livre.
“Lalenok ba ema hotu sente katak joventude sai hanesan pilar importante iha prosesu dezenvolvimentu nasional maibe enkuandu ita hare kona ba rezultadu husi ema ne’ebe moras HIV SIDA barak teb-tebes ida ne’e mak ita husik para kontinua bele destroi ita nia joventude sira nia futuru ba aban bain rua nian tanba ne’e Lalenok ba Ema Hotu hare katak ida ne’e importante tanba iha governo ita iha instituisaun ida ne’ebe halo sosializasaun ba joventude sira no ba ema hotu-hotu para hadok an husi moras sira ne’ebe hadaet ba sexu livre” dehan Diretor Ezekutivu LABEH Christopher Henry Samsom iha edifisiu INCIDA pante kelapa dili segunda 10/06/2024
Ezekutivu nee afirma tan, liu husi sosializasaun ne’e fiar katak INCIDA hamutuk ho pesoal sira nebe servisu iha asuntus saúde inklui polisia nasional timor leste sira ne’ebe mak servisu hodi tau matan iha asuntu sira ne’e bele fahe informasaun diak liu tan ba joventude sira iha seminariu ne’e .
“Ha’u fiar katak iha ne’eba incida iha mekanizmu ne’ebe diak sempre uza hodi halo sosializasaun, no ha’u fiar ho komandante policia iha ne’eba ho sira ne’ebe iha asuntu saúde sira sei fo imformasaun detaillu liu ba alin sira no joven sira para sira bele kuidadu sira nia aan no fiar katak liu husi worshop ida ne’e bele loke sira nia laran no sai hanesan bukae ida ba sira para sira bele prevene sira nia aan husi moras hadaet sira” nia salienta
Nia informa tan, ligadu ho sosializasaun ne’e sei haleu iha dili laran hodi fahe inforamasaun ba sidadun hotu-hotu, tanba tuir dadus husi ministeriu saúde nian ne’ebe hetan rekolla husi servisu incida nian hatudu katak iha tinan ne’e numeru husi moras HIV SIDA ho volume neebe makas tebes.
“Iha programa ne’ebe ita iha depois de ida ne’e ita atu kobre iha dili tomak tanba iha informasaun ne’ebe ita hetan hatudu momos katak ema ne’ebe moras ne’e devia nia tun maibe nia volume sae fila fali tanba ne’e mak ita koko atu halo sensibilizasaun iha kada suku hotu ne’ebe iha dili, incida tama hodi bele fo informasaun ba sira para hotu-hotu bele hetan informasaun hodi hadok aan husi moras ida ne’e” nia informa
Iha fatin hanesan prezidente Instituto combate ao HIV-SIDA.IP Daniel Marccal hateten kazu HIV SIDA iha kazu transimsaun ne’ebe ho numeru boot liu hamutuk 4042 nee maioria akontese iha munisipio sira hanesan Baucau, Bobonaro,Dili, Ermera, Entre kazu sira ne’e maioria transmisaun husi kazu halo relasaun sexual livre
“iha kazu transmisaun rihun haat nulu resin ruan ne’e barak liu mak iha Dili, Bobonaru, Suai Oecusi Baucau Ermera inklui municipio sira seluk , ne’e risku boot ba dezevolvimento no munisipio sira idak idak maioria daet husi relasaun seksual mesmu ran iha ida ida maibe barak liu husi relasaun seksual”
Prezidente ne’e argumenta, ba kazu sira ne’e bele responde ho ai moruk ne’ebe iha maibe ai moruk hirak ne’e laos atu halakon total moras ne’e maibe ai moruk ne’e iha atu responde deit ba hodi hatun virus nia volume no atu rekopera fali deit ema nia imunidade ou forsa.
“aimoruk ne iha maibe aimoruk la os atu kombate iha ema nia isin HIV ne so para atu hanehan det virus ne’e lable multiplika iha ita nia isin”dehan nia
Enkuantu iha programa semináriu nasional ne’e preparasaun husi Prezidente Fans Club Radio LABEH servisu hamutuk INCIDA hodi fasilita informasaun kona ba kombate moras HIV-SIDA iha Timor leste ho objetivu ida katak promove saude no asegura familia husi virus oin oin, garante sidadaun hotu moris ho saudavel .
Reportagem: Abrão da costa Zebedeu perreira
