Friday, July 19, 2024
HomeNEWSEskola EBF Tula-Oli Menus Fasilidade No  Profesóres Hodi Difikulta Ensinu Aprendijajen

Eskola EBF Tula-Oli Menus Fasilidade No  Profesóres Hodi Difikulta Ensinu Aprendijajen

Viquque, 13/06/2024  LABEH- Kordenador Eskola Ensinu Bázika Filial Tula-Oli Abilo dos Reis hateten, EBF Tula-Oli ne’ebé eziste iha suku Builale, Postu Administrativu Ossu, Munisípiu Viqueque Menus fasilidade hanesan Kadeira, meja, sala aula, la iha biblioteka, no mós menus Profesores nune’e difikulta aprendijajen iha Eskola refere.Tanba ne’e estudante sira iha Eskola EBF Tula-Oli  aula  rua mak tama hamutuk iha sala ida de’it, tanba kestaun menus profesores no menus sala aula.

“ aprendijajen iha eskola nafatin lao hanesan bai-bain mesmu ami hasaoru difikuldade kona ba rekursu umanu Ami nia EBF Tula-Oli presija tan profesore atu hanorin matéria matematika, lian Portugés, lian ingles no materia nasionál nian sei falta ba sira”. Dehan Kordenador Eskola Bázika Filial Tula-Oli Abilo dos Reis ba Media LABEH iha nia knar fatin Ossu, kinta 13/06/2024

Kordenador ne’e dehan, bainhira prosesu aprendijajen lao ho diak,  professor tenki sufisiente iha eskola refere, tanba daudaun ne’e EBF Tula-Oli profesores atu hanorin materia Nasional nian ne’e menus tebes.

“ Miniteriu Edukasaun koloka ona professor nain rua iha area Desportu ho Artistika maibe ba material nasional hanesan Lingua inglesh ,Lingua Portugues, matematika ciensia naturais menus. relasiona mos ho sala aula ne’ebe la sufisiente ba estudante sira, entaun inan aman husi estudante sira kopera hamutuk ho profesores sira, depois inan aman sira kontribui tau osan hamutuk hodi loke sala tolu, atu nune’e estudante sira bele hala’o sira nia prosesu aprendijajen, maibe depois loke tiha sala tolu ne’e, problema tan ba sira mak meja no kadeira laiha, entaun sala tolu ne’ebe mak kontribui husi inan aman ne’e estudante sira la bele uja hodi halao sira nia prosesu aprendijajen” dehan Kordenador Eskola EBF

Entretantu estudante EBF Tula-Oli husi primeiru Ciklu to’o Terseiru Cicklu  estudante hamutuk 160, kompostu husi mane 78 no feto 82, nune’e estudante ensinu primaria no Pre-Sekundaria uja hotu eskola EBF Tula-Oli hodi halao prosesu aprendijajen.

Nune’e dadauk ne’e EBF Tula-Oli konstrui hela edifisiu ida ho sala tolu no edifisiu ne’e konstrui husi planu nasionál Dezenvolvimentu suku (PNDS).

Reportajen: Ekipa kobertura

RELATED ARTICLES

Most Popular

Recent Comments