Friday, July 19, 2024
HomeNEWSPostu Saúde Builale La iha Médiku Espesialista no Aimoruk Item Balun Mamuk

Postu Saúde Builale La iha Médiku Espesialista no Aimoruk Item Balun Mamuk

Viqueque, 14/06/2024 LABEH – Postu saúde Builale ne’ebé lokaliza iha suku Builale, Postu Administrativu Ossu, Munisípiu Viqueque, dadaun ne’e la iha médiku espesialista no aimoruk Item balun mamuk

Xefe sentru saúde Ossu Azevedu da Cruz Amaral hateten, Postu Saúde Builale falta de’it mak médiku espesialista, tanba Postu Saúde Builale iha Infermeiru, Parteira, Farmasista no iha mos Pesoal limpeza.

“Ami iha sentru saude ossu ba postu saude builale ne’e falta deit mak mediku espesialista, tanba postu saude builale iha ona infermeiru ida, parteira ida, farmasista ida, no iha mos kliner ida”. Dehan Xefe sentru saúde Ossu Azevedu da Cruz Amaral hateten ba Media LABEH iha nia knaar fatin Sentru saúde Ossu, sexta 14/06/2024  

Nune’e sefe sentru saúde Ossu Azevedu da Cruz Amaral lamenta, kona ba Item aimoruk balun ne’ebé mamuk ne’e la difikulta pesoál Saúde sira nia atendementu ba pasiente sira.

“Iha tempu badak ministeriu saúde sei rekruta médiku, ne’ebé iha rekrutamentu ne’e bainhira sentru saúde Ossu hetan, sei kolola pesoál saúde foun ba postu saúde Builale no Postu saúde sira seluk iha sentru saúde Ossu nian, tanba postu saúde seluk mós hanesan ho postu saúde builale”  

Iha sorin seluk hanesan Xefe Postu Saúde Builale Jacinto da Costa Guterres hateten, postu saúde builale la iha médiku espesial, nune’e mediku espesialita ida tenki destaka iha postu saúde Builale atu atende pasiente sira nia moras.

“Ami nia Postu saúde ida ne’e mediku espesialista la iha, no transporte mos la iha bainhira pasiente moras grave atu tula ba iha Sentru saúde Ossu, ne’ebe ami husu katak, mediku espesialista ida tenki destaka iha Postu Builale, atu atende pasiente sira nia moras”. Nia esplika

Enkuantu Item aimoruk ne’ebé mamuk iha postu saúde builale mak hanesan, aimoruk FA, SF/FA, GRMN, METRO SY, MN SY, AMOX UAV SY, ANTASIDA, BENZYL, HIDRO, MTV, SALBU SY.

Reportajen : Ekipa kobertura

RELATED ARTICLES

Most Popular

Recent Comments