Friday, July 19, 2024
HomeNEWSSEI Fo Formasaun Matéria espesifiku Tolu Ba Lideransa Suku Feto iha TL

SEI Fo Formasaun Matéria espesifiku Tolu Ba Lideransa Suku Feto iha TL

Díli, 20/06/2024/ LABEH – Sekretáriu Estadu Igualidade (SEI) servisu hamutuk ho Ministeriu Administrasaun Estatal (MAE) no Sosiedade Sivil Fo formasaun matéria espesifiku Tolu ba Lideransa Komunitaria Feto sira iha Timor-Leste hodi promove Igualidade Jéneru ba Desentralizasaun no Poder Lokal

Sekretária Estadu Igualidade Elvina Sousa Carvalho hateten, lideransa komunitaria feto sira iha Timor-Leste tuir formasaun loron rua ne’e sei fo Matéria espesifiku Tolu hanesan Lideransa, jestaun, no ko’alia iha publiku.

“SEI sei fo formasaun loron rua ba sefe suku feto sira ne’ebe foin eleita, no formasaun iha area lideransa pubilk speaking, no mos area jestaun. Nune’e fo formasaun ida ne’e laos husi SEI deit, maibe servisu hamutuk mos Ministeriu ESTATAL ne,ebe sei fahe materia balun bai ha sefe suku sira. lideransa komunitaria feto sira iha territóriu nasionál ne’ebé partisipa iha formasaun ba loron rua ne’e hamutuk nain 54.”. Dehan Sekretária SEI Elvina Sousa Carvalho ba jornalista iha Tower Fatuhada, Kinta 20/06/2024  

Iha fatin hanesan Reprezentante Diretor Nasionál Governu Lokál Elvino Bonaparte do Rego, agradese ba sekretária estadu ho nia ekipa hodi bele servisu hamutuk  prepara programa ida ne’e hodi halao preparasaun ba lideransa suku feto sira iha future.   

“Hau agradese bo’ot ba SEI, tanba ho hanoin ida, oinsa feto sira halo dezenvolvimentu lao ba oin, tanba agora ita prepara poder local, ne’ebe poder local ne’e laos ita tur mosu deit, ne’ebe ita presija servisu maka’as”. Governu lokal agradese

Reprezentante Líderansa Komunitaria Suku, Xefe suku Bairo Pite Joanina Soares dehan, atividade ba formasaun ida ne’e atu bele hasae lideransa komunitaria sira nia koñesimentu no abilidade, atu nune’e  bele halo jestaun  iha sira nia suku rasik.

Aleinde ne’e Autoridade lokal rekoñese katak  formasaun ne’ebe mak sira tuir durante loron rua ne’e, nia durasaun tempu la sufisiente ba sira, tanba loron rua deit kobre materia hira ne’ebe mak barak tebes.

“Ami husu ba SEI katak, atu fo durasaun tempu ba formasaun sira ne’e tenki to’o semana ida, atu nune’e bele gania didiak lideransa komunitaria sira nia konesimentu para atu bele apar didiak ho tipu espesifiku materia ne’ebe mak sei oferese”. Nia hakotu  

Reportajen: Meliana dos santos  Adão da Costa

RELATED ARTICLES

Most Popular

Recent Comments