Friday, July 19, 2024
HomeNEWSKI Ho HWPL Fo Formasaun Kona Ba Jornalizmu Ba Paz Ba Jornalista...

KI Ho HWPL Fo Formasaun Kona Ba Jornalizmu Ba Paz Ba Jornalista Iha TL

Díli, 21/06/2024 LABEH- Konsellu Imprensa Timor Leste Hamutuk ho Parseiru Internasional  Heavenly Culture World Peace Restoration Linght (HWPL), fo Formasaun kona ba Jornalismu ba Paz  ba Jornalista sira iha Timor Leste.

Prezidenti Konsellu Imprensa Otelio Ote informa, formasaun ida ohin nudar realizasaun asina memorandu ho NGO AWPL husi Korea Sul, konaba jornalizmu ba paz hodi kapasita jornalista sira hodi halo kobertura ba asuntu paz.

Governate ne’e mos akresenta tan katan tempu tuir mai sei realiza tan formasaun sustentavel ba jornalista sira atu bele intende diak liu tan iha area kobertura.

“Hanesan ita hotu hatene, formasaun ida ohin ne’e nudar realizasaun husi asina memorandu ho AWPL NGO bo’ot ida husi korea sul, konaba formasaun jornalismu ba paz, ida ne konsellu imprensa  mak husu, tanba ita hatene ita nia rai presija teb-tebes atu komunidade media, liu-liu jornalista sira oinsa atu halo kobertura asuntu paz. Ita nia objetivu mak hanesan ohin mensiona ona katak primeiru ita espera katak jornalista sira ne’ebe partisipa bele intende, koñese ona saida mak mundu jornalismu paz, depois ita sei iha tan formasaun tuirmai ho nivel mediu oituan liuliu teknika jornalistiku hodi ita boot sira hatene diak liu tan bainhira servisu iha terenu. Formasaun nee loron ida deit, maibe ita sei iha tan formasaun sira seluk tuirmai, ita hein deit ajenda iha loron saida no fulan saida maibe ita sei halo tan formasaun sustentavel ba ita boot sira”. Dehan Prezidenti KI.

Prezidenti KI mos agradese ba NGO AWPL tanba bele responde hodi realiza formasaun ne’e ba jornalista sira iha Timor Leste, espera formasaun ne’e mos sai hanesan sumbrina ida hodi habelar tan koñesimentu ne’ebe iha hodi banati tuir kodigu etika jornalista nian.

“Ita Agradese ba AWP nia responde depois ita bele realiza formasaun ida ohin, ho nia objetivu atu jornalista sira iha konesimentu konaba jornalismu paz , no mos atu muda husi karakter jornalista no media sira konaba oinsa kobertura ba materia paz, no oinsa atu publika notisia iha media sira, ho notisia ne’ebe iha valor paz. Ita espera katak, hafoin formasaun ida ne’e ita bo’ot sira sai sumbrina ida ba ita bo’ot nia kolega sira iha ita bo’ot sira nia media ida-idak atu habelar tan ita boot sira nia matenek hodi ita lao iha style ida deit no laos mos atu ses husi kodigu etika jornalista ne’ebe ita iha tiha ona.Durante ne’e ita halo tiha ona kobertura ba notisia neebe iha nia valor paz neebe ita rasik la hatene ida ne’e tama duni iha valor pas ka lae. Formasaun ida nee hanesan etapa dahuluk sei halo aprezentasaun materia jeral deit, ita sei iha tan formasaun tuirmai neebe karik ita tama ba asunto tekniku jornalistika konaba  paz nian”. prezidenti KI Agradese

Enkuantu prezidenti KI Husu ba media sira atu halo fasilitasaun ba formasaun jornalistika  tenki ativu atu partisipa iha formasaun hodi atinji kualidade diak iha produtu jornalismu nian.

Reportajen: Ekipa kobertura

RELATED ARTICLES

Most Popular

Recent Comments