Díli, 25/06/2024 LABEH – Jogu Kup Europa fo Mos Vantage ba Negosiantes Dalan Ninin sira iha Timor Leste Tanba fo Rendimendu ne’ebe di’ak iha Momentu ne’ebe Jogu La’o.
Hafoin Jogu Kup Europa ne’ebe hahu La’o iha Loron Sanulu Resin Lima Fulan Junu Tinan Ne’e (15/06/2024) negosiantes dalan ninin Francisco Barboza mos hahu hal’o Negosiu Bandeira iha loron ne’e kedas ho hanoin hodi haforsa di’ak liu tan nia ekonomia familiar no apoio Alin sira hodi Eskola no mos selu rezidensia ne’ebe sira hela ba.
Tanba ne’e Francisco Barboza ne’ebe originalidade Husi Postu Administrátivo Turiskai, Munisipiu Manu Fahi, hili portu dili hodi sai fatin ba nia hodi negosia bandeira, maske habai an iha loron laran maibe ejizensia ne’ebe uniku ba nia mak loron ida tenki rekolla dollar $3.00 iha nia aktividade.
Bainhira Ekipa Jornalista Lalenok Ba Ema Hotu (LABEH) Dada Lia Ho Negosiante Francisco Barboza Ne’e Haktuir Katak, antes atu tama ba jogu kup europa hahu kedas destaka iha fatin ne’e hodi fa’an.
Nia haktuir dalan atu hetan osan laos liu husi de’it fa’an produtu lokal, maibe sasan seluk hanesan bandeira mos bele fo rendimentu di’ak maske ho durasaun ne’ebe minimu de’it.
“ ha’u fa’an iha ne’e hahu primeiro kedas , no ha’u hola iha loja satu lusin ho presu ne’ebe mak sa’e oitoan ho dolar rua nulu resin haat” haktuir negosiante Francisco Barbosa ba Jornalista MIDIA LABEH iha Portu Dili 25/06/2024
Bandeira hirak ne’e nia define ho presu ne’ebe naton de’it kada bandeira tahan ida ho mediada ne’ebe boot oi-tuan ho presu dollar $ 4.00 dala ruma mos hatun mai ho presu $ 3.00 tuir hola na’in sira mai hola.
“ ha’u mai fa’an fali ho presu ne’ebe mak naton de’it hanesan ida boot ne’e fa’an ba dolar ha’at hatun mai dolar tolu” komfesa nia
Enkuantu bandeira ne’ebe nia hola kada pakote ida ho folin dolar $ 24 kompostu husi nasaun sira ne’ebe konesidu liu iha Europa.
“ hanesan bandeira sira ne’e ha’u hola satu lusin kona osan dolar 24,no bandeira ne’ebe mak folin liu mak Portugal tuir fali mai ingris, espania ,franca no Alemana ’’ nia relata
Entretantu total osamentu ne’ebe farncisco uja ba negosiu ne’e hamutuk dolar ualu nulu resin ualu $ 88 no nia rekolla fali rezultadu sira loron ida hetan dolar atus ida resin, no fo pozitivu tebes iha nia aktividade .
“ha’u hahu hola bandera sira ne’e ho osan hamtuk ualo-nulu resin ualo no ha’u hetan funan atus ida resin ne’e pozitivu tebes mai ha’u’’ hakotu Francisco
Tuir informasaun ne’ebe jornalista Lalenok Ba Ema Hotu (LABEH) asesu husi negoasiantes ne’e katak antes ne’e nia fa’an de’it sigaru ho bee aqua maibe akontese fali jogu kup europa iha epoka tinan ne’e, nune’e nia deside fa’an fali bandeira.
Reportajen : Abrão da costa & Zebedeu pereia
