Friday, July 19, 2024
HomeNEWSEstudante Bolsa Hakbit Kontra Desizaun IX Governu Nian Muda Programa Bolsa Hakbit...

Estudante Bolsa Hakbit Kontra Desizaun IX Governu Nian Muda Programa Bolsa Hakbit Ba Bolsa Parserial

Díli, 26/06/2024 LABEH- Iha Komunikadu Imprennsa ne’ebé realiza iha Jardim 5 de Maio, Estudante Bolsa Hakbit husi Universitariu sira iha Timor-Leste kontra desizaun IX Governu nian ne’ebé mak muda programa Bolsa Hakbit ba Bolsu Parserial

Tanba ne’e estudante Bolsa Hakbit sira konsidera IX governu hatama bolsa hakbit sira ba rai kuak, tanba bolsa parserial bele prezudika ba estudante bolsa hakbit sira nia estudu, i bele mós hapara sira nia estudu iha dalan klaran, tanba kbit laek nia oan sira kbit la to’o atu kontinua estudu.

Portavoz  Reni Gonsalves Hateten, Estudante Bolsa Kbiit Laek iha Timor-Leste totalmente la konkorda no sei la asina ba kontratu foun bolsa Hakbit ne’ebé IX governu konstitusionál muda fali ba bolsa parserial.

“Ami bolsa hakbit iha Timor-Leste totalmente la konkorda no sei la asina ba karta kontratu foun bolsa hakbit muda ba bolsa parserial ne’ebé fundus dezenvolvimentu kapitál humanu (FDCH) atribui ona ba kada universidade ho data ne’ebé determinadu”. Dehan leitor Reni Gonsalves ba jornalista liu husi komunikadu imprennsa iha jardim 5 de maio, Kuarta 26/06/2024

Tanba ne’e estudante bolsa hakbit iha Timor-Leste hodi ezizi ba IX governu liu husi Ministériu Planeamentu Investimentu Esratejiku ho nia titulares FDCH atu kansela imediata ba desizaun polítika injustu ne’ebé muda bolsa hakbit ba bolsa parserial ne’ebé bele hamate kbiit laek nia oan sira nia futuru.

Iha fatin hanesan Portavoz José da Costa informa, antes atu muda bolsa hakbit ba bolsa parserial sira la diskusaun no konsulta ho estudante bolsa hakbit sira katak, sira nia valor mak la to’o ka oinsá, maibe IX governu foti desizaun mes-mesak hodi troka programa bolsa hakbit ne’e .

“Sira la halo diskusaun no dialogu ho ami, derepenti desizaun ne’e, ba lei ne’ebé mak anterior, sira reboka tiha katak, bolsa Hakbit ne’e sira muda fila fali ba bolsa parserial, maibé sira la iha razaun ida ne’ebé fundame tu muda ami bolsa hakbit ba iha bolsa parserial”. Nia dehan.

Enkuantu tuir dadus ne’ebé FDCH fo sai iha 30 Abríl tinan 2024 katak, estudante ne’ebé asesu ba Bolsa Hakbit dadaun ne’e eskola iha ensinu superior públiku no privadu sira hamutuk 16, ho totál estudante hamutuk 3.030

Reportajen :Ekipa kobertura

RELATED ARTICLES

Most Popular

Recent Comments