Friday, July 19, 2024
HomeNEWSAPC  Rezista Ema Nain 34 Afeitadu Husi Dezatre Naturais

APC  Rezista Ema Nain 34 Afeitadu Husi Dezatre Naturais

Díli, 01/07/2024 LABEH- Xefe  Seksaun Relasaun Externa Autoridade Protesaun Sivil Nelson Nunes lihusi konferensia imprensa hateten bazeia ba rekapitulasaun dadus dezatre semanal ne’ebe mak rekolla husi Sentru Operasaun Nasional Protesaun Sivil (CNOPS) iha teritoriu Timor Leste husi loron 23 to’o 29 fulan Juñu tinan 2024 rezista ema nain 34 hetan afeitadu husi dezatre naturais hanesan ahi han uma, anin sobu no rai halai inklui uma 5 hetan estragus.

“Hahu iha loron 23-29 Junhu 2024 Durante Semana ida ne’e, iha rejiaun Timor-Leste normal no akontese tipu dezastre maka CNOPC- APC rejistu kazu tipu dezastre hamutuk 3 Ahi han, Anin Bo’ot, Rai halai, inklui uma 5 hetan  estragus , Latama kategoria 3 hamutuk ho numeru ema afetadu 34 liu-liu iha Munisipiu sira hanesan tuir mai ne’e: Munisipiu Aileu Ahi han uma (1) Munisipiu Baucau anin sobu uma (1) ahi han (2),Munisipiu Ermera Ahi han uma (1), Rai halai (3 ),” dehan Xefe  Seksaun Relasaun Externa Autoridade Protesaun Sivil Nelson Nunes ba Jornalista sira iha salaun APC Kaikoli

Xefe Relasaun Externa ne’e esklarese, Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe  hetan estragus no lakon.

“Maibe ba iha vitima sira neebe maka hetan dezastre naturais ne’e halo ona levantamentu ba verifikasaun dadus ho parseirus sira pois Evakua kedas ba iha fatin seluk,nomos ba  balun ami Evakua ba iha vizinus sira” nia esklarese

Portavos APC deklara Relasiona ho akontesimentu ne’e Comando APC Munisipiu ho Parseirus Relevante sira fornese ona asistensia emerjensia ba familia afetadus sira.

Dadaun ne’e Komadu Autoridade Protesaun Sivil ne’ebe destaka iha munisipiu sira kontinua halo levantamentu ba dadus ne’ebe hetan estragus durante periodu dezastre antes fó rekupersaun  

 Reportajen : Anito Da silva.

RELATED ARTICLES

Most Popular

Recent Comments