Friday, July 19, 2024
HomeNEWSAsesória Internasionál Nain 7 Dialogu Ho Vitima Kona-Ba Progresu Servisu CNC  Nian

Asesória Internasionál Nain 7 Dialogu Ho Vitima Kona-Ba Progresu Servisu CNC  Nian

Díli, 03/07/2024 LABEH-Konséllu Asesória Internasionál Volutariu nain 7 ne’ebé  hetan fiar husi governu Timor-Leste  hala’o diálogu ho  sobrevivente konflitu sira kona-ba progresu servisu ne’ebé antes ne’e Centru Nasionál Chega institutu Públiku,(CNC,I.P) nian  no rekomendasaun saida maka CNC kontinua hadia ba futuru.

“Ohin ita halo enkontru ho sebrevivente sira husi konflitu nian atu rona direitamente husi vitima sira  kona-ba saida maka Centru nasionál Chega halo no saida maka vitima sira nia hanoin tenke hadia di’ak liu tan nune’e membru konsellu asesoria internasionál sira  bele halo rekomenda  mai CNC no konsellu administrasaun no orgaun diretiva sira  oinsá maka bele responde ba  kestaun saida maka vitima sira hato’o, ida ne’e maka objetivu husi enkontru ohin loron”Diretór Ezekutivu CNC, Hugo Maria Fernandes relata asunto ne’e  ba jornalista sira iha Edifisiu komarka antigu Balide Dili,03/07.

Ezekutivu dehan, konsellu asesória internasionál sira, sengunda ne’e  hala’o enkontru ho Ministru asunto parlamentár hodi rona opiniaun sira nune’e ohin kontinua enkontru  ho vitima sobrevivente sira hodi rona vitima sira nia hanoin.

Nia salienta membru Asesória internasionál hamutuk nain sia  ne’ebé maka hetan fiar husi governu Timor-Leste, maibé nain rua maka iha tinan ida ne’e la partisipa,  husi kategória tolu hanesan, luta defende Timor Leste nia ukun an, Asesória hirak ne’e nu’udar peritu akademia,inklui sira iha  kooperasaun  boot iha mundu.

“Membru konséllu nain 9 ne’e nomeasaun husi primeiru Ministru,  mai husi kategória rua, ida  sira ne’ebé maka luta  depois Timor ukun an, sira halo movimentu hodi apoiu ita nia ukun rasik an, segundu  sira ema ne’ebé maka peritus iha mundu akademia. Terseiru sira iha redi boot la’ós iha sei sira nia rain maibé iha mós rai sira seluk, entaun ida ne’e bele tulun Centru Chega  hodi halo servisu barak iha rai li’ur”

Entretantu Konséllu asesória internasionál hirak ne’e hetan nomeasaun husi  primeiru Ministru ho servisu gratuitu ba mandatu tinan tolu, husi nasaun sira  maka  hanesan. , Indonézia,Malezya,kambodia,Filipina, Portugál,kanada,Áfrika do sul, Japaun,

Enkuantu Iha fatin hanesan vitima sobrevivente  Agapitu Da Conseicão Mendonça husi Munisípiu Aileu, rekomenda ba estadu atu tau matan ba vitima sira seluk tanba konta ho sira maka ohin loron Timor-Leste hetan nia independensia

“Ba ami ema ne’ebé maka sofrementu ba funu ida ne’e  hakarak ka lakohi estadu tenke rekoiñese, tanba ho sira maka ohin loron ita  foin ukun an”

Entretantu partisipa iha dialogu  ho tema “violasaun direitos humanus no preparasaun ba vitima sira” maioria husi sobrevivente  feto. Remata

Reportajen : Anibal Espírito Santo

RELATED ARTICLES

Most Popular

Recent Comments