Friday, July 19, 2024
HomeNEWSSEFOPE  Hahu Halo Koresaun Ba Pontus  Teste Eskrita Ba Vaga Online

SEFOPE  Hahu Halo Koresaun Ba Pontus  Teste Eskrita Ba Vaga Online

Díli, 03/07/2024 LABEH – Sekretariu Estadu Formasaun Profesional No Emppregu (SEFOPE) hamutuk ho kargu sefia sira hahu halo koresaun teste eskrita lian inglesh ba vaga online ne’ebe mak kandidatu sira tuir ona ezame iha fulan hirak liu ba

Iha Diskursu Diretor Nasional Empregu No Extrangeiru (DNEE) João Coreia Pereira informa, tuir orariu ne’ebe SEFOPE desidi hamutuk depois de enkontru enkordenasaun entre ekipa husi SEFOPE  ho DFAT, PLF, ho identidade independente sira hanesan komisaun anti korupsaun (KAK), Proveroria Dos Direitus Humanus No Justisa (PDHJ), no Inspetor Jeral Estadu (IGE) desidi katak koresaun teste eskrita ba lian inglesh realiza iha loron ohin.

“Ita desidi atu halo koresaun ba materia teste ba lian inglesh ne’ebe ita halo fulan hirak liu ba katak, ita atu realiza iha loron ohin tuir ita nia planu durante semana ida. Depois remata halo koresaun ita sei anunsiu ba publiku”. Dehan diretor DNEE Joao Coreia Pereira ba jornalista liu husi nia diskursu iha salaun Garden Beach Pantai Klapa, Kuarta 03/07/2024/

Diretor DNEE hatutan, tuir planu, halo koresaun ba teste eskrita hahu ohin dia 3 fulan jullu tinan ne’e no sei remata iha loron tersa feira semana oin.

“Ami fiar ita bo’ot sira servisu ho imparsialidade, la hare ba familia deit maibe, hare ema hotu hanesan, tanba kandidatu sira ne’ebe tuir teste mesak Timor Oan, ita hotu familia, ne’ebe hare ho imparsialidade.” Diretor DNEE husu

Iha fatin hanesan sekretáriu Estadu Formasaun Profisional No Emprego (SEFOPE) Rogerio Araujo Mendonsa hateten, ema nain 80 mak sei halo koresaun ba materia teste eskrita ba vaga online  ne’ebe nain 80 ne’e garantia katak, iha semana ida ne’e bele finaliza ona.

“Hau atu hateten deit katak, konaba tranparansia ita garantia, nudar Timor Oan no jerasaun foun ita tenki hatudu buat ne’ebe mak diak ba ita nia maluk Yimor Oan sira hotu ne’ebe partisipa iha eventu ida ne’e”. Nia dehan 

Enkuantu iha abertura ba koresaun materia teste eskrita ba vaga online ne’e hetan partisipa husi embaixador Australia Iha Timor-Leste, Sekretariu Estadu Sefope, Diretor Nasional Empregu  No Extranjeiru, Diretora Legal No Peskiza Husi PDHJ, Inspetor Geral Estadu, Diretor KAK No Diretor Husi Munisipiu Sira.

Reportajen : Ekipa kobertura

RELATED ARTICLES

Most Popular

Recent Comments