Friday, July 19, 2024
HomeNEWSJogadores Sub-16 Timor Leste Ne’ebe  Derrota Iha Taxa  Aff Ne’ebe Realiza Iha...

Jogadores Sub-16 Timor Leste Ne’ebe  Derrota Iha Taxa  Aff Ne’ebe Realiza Iha Indonesia Ne’e Problema La’os Governu Nian

Díli,  03/07/2024  LABEH- Timor- Leste nia deroata ne’e, deskonfia  iha problema interna iha federasaun  nia laran tanba ida-idak ho nia interese rasik no la kohi kopera malu atu hadia sistema sira iha federasaun ne’ebe iha hela problema.

Tanba ne’e governo timor leste liu husi Ministeriu  Juventude Desportu No  Arte Kultura, mos rekonese katak problema hirak ne’e, presija hadia nune’e labele implika tan ba futebol iha Timor Leste,tanba governo somente apoiu no kria kondisaun de’it maibe na’in ba bola sira mak bele hatene direita iha prosesu tomak bola nian.

Tuir Ministru Joventude Desportu  Arte No Kultura (MJDAK) Nelyo Isack Sarmento deklara , timor leste nia derota ida ne’e, kauza husi problema interna iha federasaun nian laran la kohi resolve no abandona ikus afeta ba iha prestasaun jogadores sira nian iha internasional.

Tuir governante ne’e  katak, governo apoiu sem rezerva no la iha problema bainhira ko’alia kona ba bola governu prontu kria kondisoens sira apoiu federasaun atu dezenvolve setores desportu nian.

“Ida ne’e mak konsekuensia husi problema sira ne’ebe mak ita la kohi resolve no , konsekunesia problema interna ne’ebe mak ita husik hela de’it, ita so mai ho interese ida-idak nian la kohi hare dezenvolvimento setor desportu ne’e hanesan intereses nasionais ne’ebe ita hotu tur hamutuk fo ideias ba malu hodi nune’e ita ajuda malu hadi’a problema  sira ne’e.

Ba governo la iha problemas kona ba oinsa atu kria kondisoens hodi apoio maibe na’in lolos ba bola ne’e iha federasaun futebol timor leste,”dehan mjdak nelyo isack sarmento ba Jornalista sira bainhira partisipa iha serimonia asinatura memorandum undursrtening  SEAK ho Un Women iha Praia Dos Coqueiros dili 03/07/2024

Atu dezenvolve di’ak liu tan setores desportu nian liu-liu iha futebolista nian, servisu boot ba federasaun sira atu labele hakmatek iha fatin de’it, maibe tenki toma responsavel ba problema interna sira ne’ebe mak iha tenki hadi’a.

Tanba ne’e federasaun mak sai mahon ba bola no halo koperasaun ho governo nun’e bele servisu hamutuk dezenvolve setor desportu  iha timor leste

“Federasaun futebol ne’e hanesan parseiru ida ne’ebe responsabilidade tomak ba iha futebol no parseiru ho governo,parseiru mos ho fifa iha regra rasik atu nune’e ita bele servisu hamutuk dezenvolve futebol  ba oin hodi prepara fali ba jerasaun futebolista tuir mai.

Hanesan derota ida sira halo ne’er hanesan esperiensia ida ba ita oinsa mak ita de mais em ves de ita ego demais individu depois ita quando derota ne’e afeta ne’e ba nasaun tomak.

Entaun agora dadaun estadu ou governo hein hela perkembangang ida ne’ebe husi  futebol hodi nune’e hadi’a tiha problemas internal ne’e ita focus ba pembinaang ba jerasaun futebolista sira tuir mai’’ tenik MJDAK

Relasiona ho problema derotas ne’e , treinador sub-16 ekipa timor leste nian, Emeliano da Silva argumenta katak, jogadores mak la iha fiziku ne’ebe di’ak no lakon mentalidade iha kampu .

“Ho Sofre ne’ebe mak iha foin dadauk ita hotu hatene iha publiku, primeiru jogadores sira failansu  iha stamina tanba sira stamina mak lato’o no mos esperiensia de jogu ne’e mak menus no mos la iha preparasaun maximu husi  federasaun tanba ita foin lalais ne’e ita la iha selesaun ba sub-16 nian” dehan treinador Emeliano Da Silva

Enkuantu jogu, taxa AFF refere realiza iha nasaun Indonesia , Timor leste hetan derota hodi sofre hetan golu barak husi nasaun Indonesia, malasia no Australia ne’e tanba  ekipa sub-16 timor leste nian la iha kompetisaun no situasaun balun ne’ebe mak iha federasaun Timor Leste nian mak la’o la dun di’ak.

Reportagem: Abrão da  costa,Anibal do espirito santo

RELATED ARTICLES

Most Popular

Recent Comments