Friday, July 19, 2024
HomeNEWSDialogu Nasional Saúde Direitu Seksual Reprodutivu  Ba Adolusente no Foin-Sae  iha Timor...

Dialogu Nasional Saúde Direitu Seksual Reprodutivu  Ba Adolusente no Foin-Sae  iha Timor Leste

Díli,09//07/2024 LABEH- Plan International Timor-Leste liu husi programa Saúde no Direitu Sesksual Reprodutiva (SDSR) realiza diálogu nasional ba dahuluk entre governantes sira, sosiedade sivil no foin-sa’ae ho diversidade hotu ba asuntu saúde ba  direitu seksual reprodutiva ba adolusente no  foin-sa’e iha Timor-Leste.

Diretor plan internasional timor leste Dellyana Ximenes hateten,Diáliogu ida ne’e realiza, atu fo espasu, apoiu no orientasaun ba foin-sa’e sira bainhira sira halo sira-nia esforsu advokasia rasik no avansa politika sira ne’ebé afeta diretamente ba joven sira-nia saúde no direitu seksual no reprodutiva.

“Plan International Timor-Leste kontinua komitmentu ba empodera labarik feto, foin sa e feto no mane nu udar Kampiaun Ba Mudansa hodi goja sira nia direitu ba saúde seksual no reprodutiva”nia afirma.

Atu  eleva liu tán koñesimentu foin- sa’e sira nian iha asuntu SDSR ne’e rasik, liliu influensia politika-nain sira iha asuntu relevante sira liu husi redusaun taxa isin-rua adolexentes, habelar asesu ba servisu neʼebé amigável ba foin-sa’e, fornesimentu ijiene menstruasaun disponivel no atendimentu ba servisu ne’ebé apropriadu inklui, hadi’ak politika, enkuadramentu no matadalan sira hodi promove direitus umanus no ambisaun ODS  Objetivu Dezenvolvimentu Sustentável nian ba 2030 katak la husik ema ida iha kotuk.

Planeamentu Familiár ne’ebé inkluzivu signifika La Husik Ema Ida Iha Kotuk, tantu ema boot kaben-nain ka klosan, maluk defisiensia no LGBTQI  sira hodi nune’é labele hamosu dezigualdade iha komunidade ida nia le’et.

Iha fatin hanesan Jestor Asosiasaun FADA afirma,Saúde no Direitu Sesksual Reprodutiva SDSR Laos direitu adisionál,No la’ós direitu seletivu de’it ba segmentu populasaun espesifiku ida SDSR ne’e unidade ida atu alkansa dezenvolvimentu ótimu ba ema HOTU, inklui joven sira ho diversidade hotu tanba joven sira husi populasaun xave sira mós hasoru problema sira SDSR nian, no sira-ne’e,Kona-ba Programa SDSR (Saúde no Direitu Seksual Reprodutiva) no Partisipasaun.

“Nomos Saúde ba Direitu Seksual Reprodutiva SDSR no Partisipasaun mak projetu tinan lima neʼebé finansia husi SIDA The Swedish International Development Cooperation Agency  liu husi Plan International Sweden, ne’ebé hetan apoiu husi Plan International Timor- Leste no parseria organizasaun Sosiedade Sivil OSS lokál FADA, TALATA no NAFOFILA iha Aileu no Ainaro ho objetivu atu kria ambiente ida-ne’ebé fasilita OSS sıra atu atua no promove garantiadores prinsipais sira atu akuntável ba servisu sira ne’ebé fornese ba labarik sira”,nia dehan.

liu husi servisu hamutuk no hametin kapasidade OSS sira atu nune’e sira bele hala’o papėl ida ne’ebé dinámiku liu hodi promove atividade relevante sira no asegura katak labarik, liuliu labarik-feto sira, goza sira-nia direitu ba SDSR no partisipasaun iha Timor-Leste.

Iha sorin seluk estudante universidade timor lorosae UNTL Dominique Tayza Quety Lay hatutan,Planeamentu Familiár ne’ebé inkluzivu signifika La Husik Ema Ida iha Kotuk, tantu ema boot, kaben-nain ka klosan, maluk defisiensia no LGBTQI+ sira hodi nune’é labele hamosu dezigualdade iha komunidade ida nia leet.

“Importánsia husi advokasia ida ne’e mak atu reprezenta komunidade hotu nia lian kona-ba sira-nia preokupasaun no mos sujestaun atu hadi’ak problema ne’ebé sira hasoru liuliu atu hadi’ak ka reforsa politika Planeamentu ne’e rasik ba bem estar ema ida-idak nian iha nasaun ida nia laran”, nia hakotu.

Reportajen: Anitu Da Silva.

RELATED ARTICLES

Most Popular

Recent Comments