Friday, July 19, 2024
HomeNEWSIDN Fo Formasaun Ba Ofisiais F-FDTL Ho PNTL Nain 15 Konaba Jestaun...

IDN Fo Formasaun Ba Ofisiais F-FDTL Ho PNTL Nain 15 Konaba Jestaun Rekursu Umanu

Díli, 9/07/2024 LABEH- Institutu Defeza Nasionál fó formasaun ba ofisiais Forsa Falintil Defeza Timor-Leste( F-FDTL) ho Polísia Nasionál Timor-Leste ( PNTL), nain 15 ho tema “ Formação e a Capacitação de Recursus Humanos Numa Empresa”, nune’e bele utliza rekursu umanu ho forma efetivu no sai referénsia ida bele implementa hodi hadi’a instituisaun estadu.

Iha intervista Diretór Formasaun Institutu Defeza Nasionál Capitão Tenente Duarte Borges Loe informa, konferénsia ohin ne’e hanesan parte ida husi programa kursu estudu maior konjuntu integradu  hodi prepara ofisiais F-FDTL ho PNTL ba lideransa jestaun iha organizasaun ida.

“ konferénsia ida ohin ne’e hanesan parte ida husi  programa kursu estudu maior konjuntu integradu, no kursu ida ne’e hanesan kursu ida ne’ebé ita prepara ita-nia ofisiais F-FDTL ho PNTL, oinsa mak ita bele fó formasaun ida ba sira, ba lideransa jestaun iha organizasaun ida atu funsiona ho diak presiza ema ne’ebé iha koñesimentu kle’an kona-ba oinsa nia organiza ninia ema sira ne’ebé servisu pertense iha organizasaun ida. Tanba ne’e bolu kursu estudu maior konjuntu integradu ne’ebé mak iha nia programa hamutuk 38 semanas ou 1138 oras relativa. Ho nia módulu formasaun 4, formasaun baze, formasaun administrasaun, formasaun militar polisial inklui formasaun estratéjia”. Dehan diretór idn ba jornalista sira iha salaun auditoria ministériu defeza fatuhada díli, 9/07/2024.

Diretór ne’e hatutan, kursu ne’e hahú fulan abril tinan ne’e no dadaun ne’e formandu nain 15 mak tuir formasaun refere iha administrasaun kurikulu jestaun no rekursu umanu.

“ kursu ne’e sira hahú kedas iha fulan Abril ne’e, no agora sira iha ona faze módulu formasaun administrasaun ninian no dadaun ne’e sira iha ema na’in 15, balu husi PNTL no balu husi F-FDTL . no depois kursu ne’e termina sira sei tama ba iha kursu ida militar no polisial, iha faze ne’e F-FDTL sira nia konsentrasaun ba iha formasaun ne’e espesializada ba iha militar no PNTL sira sei konsetra ba iha unidade kurikular ne’ebé mak PNTL nian deit. Ida ne’e espesializada ne’ebé la hanesan no sira hotu-hotu sei hamutuk fila fali halo formasaun ida bolu formasaun konjuntu ne’e ba área operasional furu sira sei  aprende oinsa bele halo operasaun konjunta kombinadu entre PNTL ho F-FDTL. Razaun halo sira hamutuk iha kursu ne’e nune’e ita bele uniformiza kompeténsia dutrina depois kria espíritu kámara de azen entre instituisaun 2. Diretór ne’e hatutan.

Enkuantu, iha tinan kotuk IDN hala’o kursu formasaun ofisiais superior, no tinan ne’e halo rotasaun ba formasaun  kursu maior konjuntu integradu ba faze dá-3. Aleinde ne’e IDN hala’o mós kursu ba militar no polisial ho tipu formasaun hanesan, post graduasaun ba rejilénsia nasionál, post graduasaun ba estudu maritima formasaun ba autoridade lokál sira inklui formasaun ba estudu mestradu.

Reportajen: Meliana dos Santos Manuela Moniz

RELATED ARTICLES

Most Popular

Recent Comments