Friday, July 19, 2024
HomeNEWSAdezaun  Ba  ASEAN Indonesia Reforsa Prarasaun  TL Iha Área Ekonomia

Adezaun  Ba  ASEAN Indonesia Reforsa Prarasaun  TL Iha Área Ekonomia

Dili,09/07/2024 LABEH – Indonézia fó apoiu másimu hodi reforsa preparasaun Timor-Leste nian iha área ekonomia ne’ebé sai hanesan pilar importante ida atu adere ba organizasaun Rejional  Association Of  Southeast Asian Nations (ASEAN).

Ekipa hosi Indonézia ne’ebé ho kompromisu kontinua fo  apoiu preparasaun timor leste TL iha area akonomia, lidera hosi atuál Diretór Jerál Asuntu Kooperasaun ASEAN iha Ministériu Relasaun Exteriór Indonézia, hanesan mós membru Senior Officials Meting SOM ASEAN, Sidharto Reza Suryodipuro hamutuk ho delegasaun hasoru-malu ho Primeiru-Ministru PM  Kay Rala Xanana Gusmão hodi hato’o vizaun no rona mós vizaun Governu Timor-Leste nian bá asuntu ekonomia iha prosesu integrasaun bá ASEAN.

“Hau hamutuk ho delegasaun mai hassoru malu ho. Preiru Ministru atu hare ba iha prosesu no progresu preparasaun timor leste nian ba  ASEAN liuliu ho pilar ekonomia atu hodi hato’o ami nia visaun,  no rona mos visaun tiimor leste nian kona ba koperasaun ASEAN  nia iha area ekonomia nia,” Embaixadór Sidharto Suryodipuro haktuir hafoin enkontru ho Kay Rala Xanana Gusmão, iha Palásiu Governu.

Membru Senior Officials Meeting  SOM ASEAN haree katak, Timor-Leste sai ona membru ASEAN bazeia bá desizaun ne’ebé foti iha tinan 2022 no daudaun iha roteiru ne’ebé guia Timor Leste atu sai membru plenu ho pilár tolu mak hanesan, pilár polítika no seguransa, ekonomia, sosiál no kultura.

Hosi roteiru ne’ebé iha, pilár ekonomia ninia indikadór barak mak tenke kumpri, tanba ne’e tenke servisu makás no lalais atu realiza duni iha tempu tuir-mai.

Iha sorin seluk Vise-Ministra Asuntu ASEAN, Milena Maria da Costa Rangel ne’ebé akompaña delegasaun, agradese bá Governu Indonézia tanba ho vizita ida-ne’e ekipa hakarak duni atu hatudu boa vontade iha apoiu Timor-Leste nia adezaun bá ASEAN.

“Delegasaun ne’e mós sei hasoru-malu ho membru IX Governu ne’ebé lidera asuntu ekonomia nian,atu hodi kolia asuntu sira nee tanba timor leste mos besik ona atu  tama ba iha ASEAN iha tempu badak”,nia hakotu.

Reportajen: Anito Da Silva.

RELATED ARTICLES

Most Popular

Recent Comments