Díli, 05/08/2024 LABEH – Alumni Parlamentu Foin Sa’e Timor Leste (APFTL) hanesan organizasaun foin sa’e ho nia vizaun sira hanesan, jovem siviku, saudavel, kritiku, kompetetivu no orgullu nu’udar timor oan, nune’e iha epoka ne’e APFTL servisu hamutuk ho the UN resident coordinatoor’s office iha Timor Leste hodi realiza seminariu ida kona ba pat of the future.
Tanba ne’e objetivu husi seminariu ne’e hodi rona jovem sira nia ideia atu bele hetan perspektiva husi jovem sira nian, kona ba sustentaible, development goals no summit of the future, inklui promove ideia hari dame husi foin sa’e sira rasik.
Objetivu ohin loron halibur Jovem Timor Leste sira nia hanoin no rekomendasaun ne’ebe sei lori ba “ simeira ba futuru nian” iha ONU iha lian ingles katak (“SUMIT FOR THE FUTURE”) iha setembru 2024,ida ne’e mak momentu ida iha ne’ebe jovem nia lian sira, jovem nia esperansa sira, sei rona husi mundu.
Iha diskursu prezidente Alumni Parlamentu Foin Sa’e Timor Leste (APFTL) Zaulino Gomes Da Silva hateten “ Summit Of The Future” hanesan sorumutu global ida ne’ebe inisia rasik husi ONU ho hanoin ida atu hari akordu foun ida ho naran “pact for the future” ne’ebe kompostu husi elementus importante oi-oin ,inklui declaration for the future no global digital compact” sorumutu ida ne’e foka ba oinsa, hanesan komunidade global, servisu hamutuk hodi bele hasoru dezafiu boot sira iha sekulu XXI nian no garante futuru ida ne’ebe sustentavel no inkluzivu ba ema hotu no diak ba planeta ida ne’e.
“Declaration for the future” hanesan apelu ida atu hari mundu ida ne’ebe justu liu, pasifiku no sustentavel ba jovem timor leste ida ne’ebe la’os de’it vizaun ida, maibe mos hanesan nesesidade ida ne’ebe urjenti .
ita moris iha nasaun ida ne’ebe riku ho kultura no istoria maibe ita mos konsiente kona ba dezafius sira ne’ebe ita nia sosiedade hasoru husi kiak,dezempregu ba asesu limitadu ba edukasaun no saude.
Maibe ita la lakon esperansa ita fiar katak liu husi koperasaun global non multilateral, it abele ultrapasa dezafiu sira ne’e ita tenki servisu hamutuk suporta malu no garante katak la iha ema ida mak husik hela iha kotuk ita hein katak “declaration for the future” bsei lori, mudansa lolos ba ita nia rain no ba mundu” dehan prezidente APFTL iha suai room segunda 05/08/2024
Teknologia digital iha potensial boot tebes atu muda ema nia moris maibe, iha Timor-Leste asesu ba teknologia sei limitadu hela, no hasoru hela dezafiu sira infra-estrutura no konektividade nian ne’ebe fo impaktu ba jovem sira nia abilidade atu partisipa iha ekonomia dijital global sira actual nian.
Iha ambitu ne’e reprezentante organizasaun ONU no ajensia tomak husi internasional sira iha timor leste patrizia digovanni mos profunda tan katak, papel jovem nian mos importante tebes la’os hein tan ba tempu ne’ebe tuir mai , maibe funsaun jovem tenki hahu agora ona.
“Ha’u iha ne’e reprezenta organizasaun ho ajensia tomak sente katak jovem la’os de’it futuru maibe jovem mos iha nia papel ne’ebe importante tebes iha momentu ne’e no fo oportunidade ba jovem sira atu ezerse duni sira nia papel iha tempu ida agora” dehan reprezentante ONU no ajensia tomak internasional iha TL
Espera katak liu husi “global dijital compact” ida ne’e bele garante inkluzaun dijital ba ema hotu iha investimentu iha infra-estrutura dijital iha timor leste atu jovem ida-idak bele hetan asesu ba edukasaun ho kualidade oportunidade empregu no servisu sira barak liu husi teknolojia iha mos protesaun ba direitu umanu iha espasu dijital hodi garante katak teknolojia uja ba bem komum nian.
Reportagem: Abrão da costa & Adão da costa
