Díli, 09/08/2024/ (LABEH) – Sesta Feira Ne’e Estudante Universitariu sira husi Universidade Oriental Timor Loro Sa’e (UNITAL) ezizi reitor Joaquin tenki sai ona husi universidade, tanba reitor refere konkordansia hamutuk ho fundador UNITAL, hodi asina akta katak, la asumi ona kargu hanesan reitor.
Tuir portavoz Julião Pacheco haktuir, lolos ne’e aseitasaun ne’ebe reitor sesante Joaquin nian, foin lais halo diskursu konaba pozisaun dehan katak, ohin ka aban prontu sai husi reitor, maibe realidade ema nain tolu ne’ebe mai husi korpu fundasaun asina ona akta, maibe fatin hala’o funsaun hanesan reitor iha UNITAL.
“Hau hanoin estudante nia pozisaun mak bainhira nia la sai husi universidade ami nafatin hakilar, ami nafatin kontra, ami sei prende ninia save, atu nune’e nia la bele mai tan iha universidade hodi hala’o nia funsaun hanesan reitor, tanba dadaun ne’e nia la iha ona funsaun iha UNITAL, no la’os ona servisu iha ne’e”. dehan protavoz ba jornalista iha resintu unital, sesta 09/08/2024/
Portavoz ne’e hatutan, estudante husu ba reitor sesante, tenki ases an tanba, korpu fundasaun nain tolu mak asina akta ona katak, korpu fundasaun nain lima maioria mak ema nain tolu, tanba ne’e estudante sira husu ba reitor sesante tenki respeitu desizaun fundasaun nain tolu nia ne’ebe asina akta refere.
Aleinde ne’e mos reitor interinu seidauk hala’o funsaun hanesan reitor UNITAL nian, tanba reitor sesante la fo fatin ba atu hala’o funsaun hanesan reitor.
“Ami alerta ba publiku, karik reitor sesante mantein nafatin ninia pozisaun, ami sei halo greve, tanba ne’e ultimatu ami nian katak, bainhira nia mantein nafatin hala’o ninia funsaun ami sei greve”. Nia alerta
Enkuantu realiona ho problema refere jornalista LABEH tenta konfirma ho reitor sesante maibe nia parte la fó komentariu.
Reportajen: Adão da Costa & Anibal Espedito Santo
