Díli,07/08/2024 (LABEH) – Sekretariu Estadu Formasaun Profeisonal Empregu (SEFOPE) Liu Husi Diresaun Nasional Empregu Estranseiru (DNEE) Realiza Seminariu Nasional ho tema “Dezafius Kriasaun Empregu Iha Timor Leste” ne’ebe realiza iha salaun apuramentu CNE kaikoli Dili tersa ne’e
Iha intervita ne’e Direktor Sentru Informasaun Merkadu Traballu Geraldo Monis hateten,objektivo prinsipal maka oinsa ita bele hetan informasaun husi orador sira no ba sira ne’ebe iha espektativa ba iha dezafius dezenpregu ne’ebe maka iha atu nune’e bele kria kampu servisu ba joven sira
“tanba oras nee dadauk ita hetan problema boot ida maka iha dezenpregru ne’e sei iha 5.1%, entau ho ida ne’e ita husu matenek nain sira liuliu representante CCITL,akademista sira ho sentru formasaun sira atu nune’e ita bele hetan informasaun sira ne’e atu nune’e ita bele halo planu tuir dadus sira neebe maka ita iha bele responde nesesidade ita nia komunidade sira ne’ebe maka halerik hela hodi nunee bele responde ba sira nia nesesidade iha baze neba”, dehan Direktor Sentru Informasaun Merkadu Traballu Geraldo Monis Iha salaun apuramentu CNE 07/08/2024
Diretor ne’e mos esklarese, dadus ne’ebe mak rekolla,oinsa kria politika ne’ebe maka diak ba iha dezenpregu nia , tenke liu husi dalan peskiza ne’ebe maka no servisu hamutuk ho instituisaun nasional estatistika timor leste neebe durante halao iha 2021 liu ne’ebe hetan taxa dezenpregu nia iha 5.1% .
“Neebe husi 5.1% nee oinsa maka ita bele redus, tanba agora dadauk ita iha planu atu halo ona level forsifeis ba peskiza forsa traballu ba iha tinan 2025 ita halo se5rvisu hamutuk ho instityuisaun nasiona estatestika timoe leste atu nunee ita bele hetan fila fali dadus ka taxa dezenpregu neebe maka ita iha,no sei nafatin ho 5.1% ou menus husi ida no aumenta tan liu fali ida atu ita bele hodi iha tinan 2025 nia nee”,nia esklarese
Iha sorin seluk presidenti KSTL Almerio Villa Nova hateten, konaba ba problema salario minimu, dadaun ne’e konsellu nasional traballu ne’ebe maka representa husi SEFOPE,KSTL,NO JCITL halo hela konsultasaun ho ministeru relevante hodi halo ona kunsultasaun ho parte estatistika husi makro ekonomia nian.
“Neebe kestasaun salario minimu agora dadaun iha prosesu nia laran,,konsellu nasional dotraballu halibur neebe sei prepara hela dokumentus halibur formasaun lubuk ida ona,ita hein katak iha tempu badak nia laran sei apresenta ba iha sekretariu estadu formasaun profiesonal e empregu SEFOPE hodi lori hikas fila fali proposta dekreitu lei salario minimu ba iha konsellu ministru” dehan Presidenti KSTL Almerio Villa Nova
Presidenti KSTL ne’e mos haktuir, mantein nafatin ho montante $150,depois baihira iha fali peskiza foun maka hare fali salario ne’ebe maka rasuavel hanesan nesesidade traballador ho nia familia sira nian ba iha tempu ohin loron.
“Ita iha numeru forsa laboral ne’ebe maka boot teb-tebes ne’ebe maioria joven,ita hare ba iha ita nia problema merkadu traballu iha rai laran ne’e ki’ik demais, tanba iha dezafius no obstaklu barak ne’ebe maka ita hasoru iha durante ne’e,no mos agora ita hotu hare inventementu neebe maka boot iha ita nia rai laran ne’e kuaze husi investedor husi rai liur deit maka domina iha ita nia rai”, nia hakotu.
Reportajen: Anito Da Silva & Julio Paixão.
