Baucau, 10/08/2024 LABEH- Domingas Gusmão hanesan feto ida ne’ebe uluk mos fo nia an luta ba Timor-Leste nia independensia liu husi loron konsulta popular 30 de agostu, iha altura ne’eba Domingas hola pozisaun hanesan poling staff ne’ebe servisu hamutuk ho UNAMET hodi hala’o eleisaun.
Domingas haktuir, iha altura ne’eba sira ne’ebe mak servisu ho UNAMET ne’e mos fuan bot no brani mak bele hala’o servisu, tanba sira hetan ameasadu husi ema laran makerek sira ne’ebe la kohi atu Timor-Leste ukun rasik an.
“Ha’u momentu ne’eba loron 30 de agostu ne’e ha’u mos hola parte ona servisu ho malae unamet sira hanesan poling staff ba eleisaun nian, maibe bainhira ami ba iha fatin eleisaun ami rona ema milisia sira ameasa ami katak, orsda mak imi hare maibe ami rona lia fuan sira hanesan ne’e ami ta’uk maibe fuan boot nafatin hodi ba servisu” katak inan feton Domingas Gusmão ba jornalista sira iha nia rezidensia dara gua, Aldeia Sama-Gata Suku Sagdate Postu Administrativu Laga Munisipio Baucau
Maske loron konsulta popular refere atu komemora ba tinan rua nulu resin lima ona maibe, atu hetan naroman lolos ne’e tenki hasai osan husi bolsu mak foin bele hetan naroman husi ukun an nian ida ne’e.
Realidade ne’ebe konta husi inan feton Domingas Gusmão katak, Komunidade uma kain sanulu resin Iha Aldeia Samagata Suku Sagadate inisiativa dada rasik elektrisidade ba sira nia hela fatin.
Inisiativa ne’ebe komunidade lubun oan ne’e inisia mak hanesan, kona-ba fiu eletrika ho prepago, sira hola rasik hafoin komvida ekipa servisu EDTL sira ba halo instalasaun de’it, no orsamentu ne’ebe mak kada uma kain ida sira tau ho montante dolar amerikanu $ 100.00 hafoin hetan naroman.
“Kona ba fiu ne’e ami mak hola rasik no ami kada uma kain ida ami atu osan hamutuk 100 dolar edtl sira mai monta prepago ne’e de’it” haktuir tan husi inan feton Domingas
Hatan ba preokupasaun ne’e Xefe suku Sagadate Aureliano de jesus, rekonese katak problema refere sai duni preokupasaun ba komunidade sira iha aldeia tolu ne’ebe mak inisiativa dada rasik eletrisidade ba sira nia uma.
“Ida ne’e mos ami preokupa duni, hodi bainhira ami enkontru iha postu mos ha’u hato’o tanba ne’e komunidade nia inisiativa maibe estadu mai tau de’it fali prepago, lolos ne’e estadu mak dada ba komunidade sira depois komunidade bele selu agora ida ne’e komunidade mak dada rasik agora governo ba tau prepago lansung selu kedas tanba ne’e ami nia preokupasaun mos ba ida ne’e maibe ha’u hanesan autoridade loka.” Dehan sefe suku sagadate
Enkuantu liu husi publikasaun notisia ne’e asosiasaun jornalista timor loro sa’e AJTL servisu hamutuk ho organizasaun Oxfam iha Timor-Leste hodi hala’o programa media tour nune’e hare ba asuntus impaktu mudansa klimatiku iha Timor-Leste.
Reportajem:Abrão da costa
