Baucau,10/08/2024 LABEH- Impaktu husi Mudansa klimatika afeta ba Agrikultores sira iha suku Sagadate hodi desliga tiha natar hektares 4 Tamba bee maran no duut karau nian mos mate nune’e kauza mos ba karau metan sira hahu mohu ba dadauk.
Tuir Xefe Aldeia Selegua, Aleixo Belo Pereira hateten, Komunidade Selegua abandona Natar hektar ha’at (4) tanbà iha Natar bee la iha no duut karau nian mos labele moris no afeita ba animal sira liu-liu karau labele han.
“Natar abandonadu iha ne’e afeita husi faktór rua (2), faktór dahuluk mak mudansa klimatika halo du’ut Karau nia mate hotu, faktor daruak mak razaun Natar abandona tanbá Karau metan laiha ne’ebé afeita ba komúnidade sira abandona natar” katak xefe aldeia selegua suku sagadate postu Laga munisipiu Baucau.
Karau metan mak sai hanesan material ida ne’ebe ajuda tebes Agricultores sira hodi halai Natar, maibe ligadu ho impaktu Mudansa ba klimatika bai loron naruk entaun bee maran resulta fo inpaktu agricultor sira nia moris.
“uluk Karau metan iha, mudansa Klimatika sira uza Karau metan barak hela,to’o ohin loron Klimatika mudansa ona afeita bá du’ut Karau nian mate hotu,depois to’o ohin loron sira abandona Natar hektar ha’at (4) tinan barak ona” dehan nia
Tanba ne’e Xefe Aldeia Selgua reprezenta povu Agricultores sira iha suku Sagadate husu ba ministério relevante liu-liu ministério Agrikultor tenki hare mos asuntus ne’e ho sériu nune’e labele halo povu nia moris ho impaktu ne’ebe la di’ak, nune’e husu ba governu atu apoiu material agrikultor nian hodi komunidade sira uza halo fali natar ne’ebe abandona nune’e rekopera fila fali ekonomia rai laran.
“Ha’u husu bá Governu atu rezolve povu maiória agrikúltura ida ne’e, presiza apoiu no halo Mudansa oituan ba atividades Agricultores nian pelo menus apoio mini traktór bá povu hodi halo to’os no natar sira ne’ebé mak durante ne’e sira husik hela.” Nia informa
Enkuantu liu husi observasaun jornalista Sira nian realidade hatudu duni Barak liu natar sira mak hetan abandonadu no natar sira ne’e nakfila ona ba kampu ou rai baibain no la hatudu lolos ona imagem hanesan natar.
Reportagem: Abrão da costa
