Baucau,10/08/2024 (LABEH) – Populsaun suku Sagadate Orgullu tebes ba tulun husi Klibur Estudante Juventude Suku Sagadate KEJUSS no PERMATIL ne’ebe Konserva bee liu husi ke’e Debu ikus fornese ba Komunidade sira ne’ebe halerik ba Bee mos.
Tuir Domingas Gusmão hatuir ba jornalista sira, iha tempu uluk bee matan maran komunidade sira ba kuru bee iha bee matan kuaze horas ida, maibe tan de’it bee matan dook entaun laen ho oan sira mak sempre ajuda ba kuru bee, ema ida lalin masa rua ka tolu sente todan tanba husi uma ba bee matan neé la’o tun de’it, maibe fila husi bee matan ne’e la’o sa’e fali rai lolon entaun hakarak ka lakoi tenke la’o kuaze oras ida.
“Durante ha’u isin-rua, laen mak ajuda ha’u ba koru bee, antes tuku 5:00 dadersan madrugada ha’u-nia laen sai ba kuru bee hafoin ba servisu, maibe agora sente kontente tanba bee barak no balun estraga de’it. Uluk iha tempu bailoron naruk ami susar loos atu hetan modo atu halo modo maibe bee la iha no ita mos hela dook tan husi merkadu maibe agora ami sente kontente oituan ona tanba bee iha ona ba ami no ami mos aproveita kuda modo ida ne’e hanesan kebangaan ida mai ami liu husi grupo KEJUSS ho PERMATIL nian, di’ak tebes ba ami”, natal Domingas Gusmão ba jornalista sira iha aldeia Sagamata, Laga, Baucau 10-08-2024.
Bee hanesan alternativa ida ne’ebe importante tebes ba ema nia nesesidade bazikas, tanba liu husi bee mak bele fo moris ba ema animal no mos ai horis sira, maibe dala ruma ema barak mak halerik ba bee, hanesan família lubun oan ida iha dará Gua, sama-gata infrenta, dala ruma sira sai husi uma ba kuru bee Lori oras 1 resin mak to’o iha mota.
Nia parte Sente triste dala ruma hasoru problema sira hanean ne’e sempre akompana ho matan wen Turuk hodi ba kuru bee.
“Nu’udar inan sente triste bainhira hasoru difikuldade hirak ne’e, tempu la’o beik-beik, oan sira mos ba eskola hotu iha sidade, entaun ema ajuda ha’u laiha, dalaruma tuur mesak ho matan-wen maibe tanba oan sira-nia futuru ne’e importante tebes tenke haruka sira ba eskola karik sente kolen deskansa depois kontinua fali” espresa inan feton ne’e
Nune’e mos Abel Jóse Pereira hanesan xefe familia, orgullu tebes ba milagre ne’ebe hetan husi grupo jovem produtivu sira husi Klibur Estudante Juventude Suku Sagadae (KEJUSS) ne’ebe ho fuan boot hamoris ona bee matan sira ne’ebe durante ne’e maran hodi hamosu fila fali bee sira ne’e hodi fornese ba komunidade sira.
“Iha tinan 2019, grupu KEJUSS mai hanesan milagre ida hodi tulun ami liuhosi atividade kee debu, momentu iha bailoron komesa husi fulan Jullu ba leten bee komesa menus maibe agora komunidade sira asesu bee ho diak tanba inisiativa husi grupu KEJUSS. Uluk ne’e ajuda parseira ba kuru bee, ense masa walu depois tau ai hodi leba mai uma, sente kolen, todan, loron manas no udan maibe pasiensia tanba bee laiha.” Nia konta
Iha sorin seluk, Inacia Manuela Pereira, ne’ebe ho tinan 30 resin hela iha aldeia saga-mata informa, antes ne’e komunidade hamutuk ho grupu KEJUSS mai ho inisiativa rasik hodi kee uluk debu, ba dahuluk, mosu nia rezultadu bee iha maibe menus liu, nune’e komunidade no KEJUSS Nafatin servisu hamutuk ho Organizasaun PERMATIL hodi kee tan debu rua seluk tan hamutuk tolu hodi haforsa fali bee matan Gia-Kiri hodi oferese ba komunidade sira até agora.
“Iha tempu uluk bailoron naruk no tempu udan obrigatoriu ba kuru bee iha mota la’o kuaze oras ida resin mak to’o, karik ami hakarak hariis ka fase roupa entaun tenke lori ho kedas roupa hodi hariis no fase roupa maibe iha tempu udan, ami labele ba tanba mota tun. Entaun ami tenke buka dalan seluk ba fali bee matan Lobular ne’ebé dook aumenta tan de’it husi ami maibe ami tenki ba kuru se ita la kuru entun ita la bele te’in” dehan Inasia Manuela
Enkuantu ligadu ho problema hirak ne’e jornalista sira mos halo komfirmasaun ho sefe suku Sagadate, Aureliano de Jesus katak, nia parte Agradese ba Grupo joventude produtivu sira ne’ebe hamahan An iha Organizasaun Klibur Estudante Juventude Suku Sagadate (KEJUSS) ne’ebe iha inisiativa hodi tulun komunidade sira liu husi sira nia espiritu konserva bee hodi fahe ba komunidade Sira.
Nia parte mos asempre alarma hela problema hirak ne’e ba iha Postu no Munispiu.
“Ha’u hanesan autoridade lokal suku sagadate nian, agradese tebes ba KEJUSS tanba hola ona ho hanoin ida ne’ebe di’ak tebes hodi ajuda fornese bee ba Komunidade sira i depois rona mos kona ba programa KEJUSS nian ne’e di’ak tebes, tanba orsamentu husi pnds ne’e ita atu aloka ba fornese bee ne’e ki’ik tebes no pnds mos servisu ezekusaun nia orsamentu tuir nia regras, maibe hanesan autoridade sempre anota hela problema sira ne’e hodi elabora proposta hafoin apresenta ba anivel munispio no mos nasional” informa Xefe Suku
Reportajem: Abrão da costa
