Díli,15/08/2024 (LABEH)- Husi inisiu fulan janeiru to’o fulan jullu tina ne’e provedor direitus humanus (PDHJ) rejistu kazu hamutuk atus ida rua nulu resin hitu (127)
Tanba ne’e Liu husi Meet the press ne’ebe ohin realiza iha salaun Bibleoteka PDHJ kaikoli Provedor Dos Direitus Humanus Virgilio Guterres “LAMUKAN” hateten, servisu sira hanesan ne’e la’os PDHJ de’it mak halo servisu sira ne’e maibe media sira mos hola parte iha servisu sira hanesan ne’e tanba liu husi publikasaun informasaun sira ne’e tenki sai sasukat ida ne’ebe mak di’ak atu garante nafatin sidadun sira nia direitus humanus.
“ami hakarak liu husi maluk atu fo informasaun sira ne’ebe mak provedor fo sai maibe iha kobertura lor-loron nebe ita bot halo perpektiva direitus humanu nene tenki sai sasukat atu notisia ne’ebe mak ita fo sai ne’e em defeza ba sidadaun sira nia direitus humanus” dehan Provedor Virgilio Guterres “Lamukan” Quinta Feira 15/08/2024 ne’e iha PDHJ Kaikoli
Rezultadu ne’ebe mak durante iha tinan ne’e hahu husi inisiu fulan janeiru to’o jullu agora PDHJ simu ona kazu hamutuk atus ida rua nulu resin hitu (127), entre kazu sira ne’e iha keixa haat nulu resin rua (42) mak violasaun direitus humanus.
Kazu pratika mal jestaun iha boa governasaun nian hamutuk ualu nulu resin lima (85)
No kazu sira ne’ebe mak sei iha hela faze investigasaun nian ne’ebe mak PDHJ halo hela notisia de krime mak hamutuk haat nulu resin hitu(47) enkuantu kazu hirak ne’e PDHJ sei aprezenta ba ministeriu públiku mak atu loke prosesu investigasaun.
“Husi janeiru to’o jullu 2024 keixa ne’ebe mak tama iha provedor dos direitus humanus hamutuk 127 iha ne’ebe keixa 42 ne’e relasiona ho violasaun direitus humanus no keixa 85 ne’e relasiona ho pratika govervasaun di’ak nian iha kazu sira ne’e iha kazu 47 ne’e sei investiga hela kazu lima investigasaun no halo notisia de krime katak ne’e involve halo krime entaun investigasaun la’o provedor halo notisia de krime ba miniseriu publiku atu halo prosesu ho judicial nian tanba provedor la iha kompetensia atu halo judisiaria” informa nia
Iha estudu kazu ne’e mos iha keixas ha’at mak daudaun ne’e halo investigasaun no kazu sira seluk hamutuk sanulu resin tolu ne’e pendent hela iha PDHJ tanba hetan ona informasaun husi parte keixas na’in sira katak rezolvidu ona nune’e labele avansa tan ba ministeriu públiku (MP) no sanulu resin ualu iha hela faze avaliasaun preliminariu
“kazu haat seluk mak loke ba mediasaun depois iha kazu 13 ami taka tanba razaun balun resolve ona no kazu 18 sei iha avaliasaun preliminariu, ne’e avaliasaun preliminariu ne’e faze ida ne’ebe kostivasaun keixa nian ne’ebe tama iha diresaun keixa azistensia publika ninian iha ne’eba sei haruka ba investigasun atu halo relatorio emosaun criminal husi ne’eba mak lori mai iha komunitensia estadu atu deside ba iha investigasaun ka taka ka halo miditasaun” tenik “lamukan”
Enkuantu iha prosesu investigasaun sira ne’e kazu foun 59 rezista iha 2024 ne’e kazu ne’e finaliza investigasaun hamutuk kazu 45 inklui rekomendasaun rua (2) ho sujestaun hitu (7)
Reportajem: Abrão da costa
