Díli, 22/08/2024 (LABEH) – Funsionariu Espesialista Komisaun Anti Korrupsaun nain 24 simu Posse, hodi hala’o kna’ar atu haforsa di’ak liu tan servisu iha KAK nian.
Iha serimonia ne’e Ministru Justisa, Sergio Horna iha nia diskurus hateten, husu ba empozadus sira ne’ebé simu ona knaar foun ne’e hodi servi no halo servisu ho di’ak no hala’o kna’ar ne’e importante tebes hodi tulun servisu investigasaun nian.
“Sira nia kna’ar espesial atu tulun ita nia servisu investigasaun sira, atu deskobre konaba verdade hodi kontribui ba justisa ida ne’ebé lolos, no mos bele tulun servisu Prokurador nian atu hare’e kona-ba Justisa iha ita nia rain laran, Dehan Ministru da Justisa, ba Jornalista sira, bainhira partesipa iha Tomada da Posse, iha Kaikoli, Kinta 22/08/2024.
Governante ne’e informa tan, lori nonu governo constitusional hato’o parabens ba emposadu sira, ho tempu ne’ebé naruk sira bele, sai hanesan espesialista anti Korrupsaun, hodi bele tama iha fileira Komisaun Anti Korupsaun nian, atu kontribui ba ita nia rain no sosiedade iha investigasaun kriminal nian.
Nune’e mos, Komisario, Komisaun Anti korupsaun (KAK) Komisariu Rui Pereira mos apresenta ligadu ho empozadus sira nia servisu ne’ebe mak sira sei hala’o, investigador hamutuk nain ruanulu resin haat (24), maka simu posse, na’in neen (6) especialista iha investigador, na’in ualu (8) apoio servisu iha administrasaun koperasaun finanças no nain sanulu (10) apoio servisu prevensaun nian.
‘Investigador sira hamutuk 20 ital, iha Komisariu Sergio nia tempu rekruta tan espesialista anti korupsaun nain 24, aumenta númeru investigasaun ba investigador nain 6, nain 8 apoiu servisu iha administrasaun koperasaun finansa nian, no nain 10 maka apoiu servisu prevensaun nian, Dehan Nia.
Komisariu ne’e tenik tan, servisu sira ne’ebe mak rejistu ben no rendementu ne’e servisu boot ida, maibe seidauk iha formasaun espesailiza ba ema sira ne’e, maibé ba oin sei hare’e atu aumenta formasaun, Hatan konaba presija rekruta tan intelijensia, nia parte dehan sira iha unidade informasuan seguransa hanesan intelijensia, maibé iha Kamara de kontas halo relatoriu rezultadu hatudu katak, osan ida ne’e tenke diminui maibe, ba oin sei presija tau fali osan atu servisu intelijensia tenke lao.
“ho numeru neebe iha sei halao lai servisu, depois maka hare sufisiente ka laen, tanba KAK hanesan Intituisuan ida neebe kiik, servisu espesializa la hanesan ho ministeriu sira, tanba nee la taka dalan se nesesidade iha sei hari eskritoriu iha nivel rejional sira, atu destaka ema ba iha neeba atu kazu neebe akontese ema sira nee preparadu atu hare. Konaba Adjuntu nia parte sei hare” dehan kak
Alende ne’e mós Adjunto Komisaru funsaun públiku no asuntus ba boa governasaun Agapito da Conceicao hateten, nia sente ondra bo’ot atu reprezenta Presidente komisaun funsaun públiku atu mai seremonia tomada da posse bá Espesialista funsionariu Anti Korrupsaun (KAK) .
“Ita hotu hatene katak iha papel ba komisaun anti Korupsaun papel ida ne’ebé mak ita nia Nasaun presiza ita nia estadu presiza hare’e liu-liu ba iha korrupsaun sira, liu-liu ita halo prevensaun no ida bá korrupsaun nian”, dehan Komisarou funsaun públiku Akapito da Conceicao.
Nia dehan Iha empasaun sira ne’e papel ida ne’ebé maka presiza atu halo ho profisionalismu imprasial para bele foti investigasaun ruma ou halo prevensaun ruma bá korrupsaun sira ho profisionalismu ida ne’e mak presiza atu servisu ho di’ak ho integridade ho imprasial ne’ebé mak iha.
“Ohin iha krop ami konjunta hamutuk husi KAK providor jerál do esatadu, providor direitus humanus ho komisaun funsaun públiku hamutuk iha ne’ebá, papel ida ne’ebé mak ohin komisaun anti Korrupsaun dehan ne’e presiza orsamentu ne’ebé aprezenta, primeru Ministru mós hatene katak orsamentu ne’e kiik liu tanba iha asea nian ne’e, korrupsaun iha Timor-Leste tama iha asen ne’e 10 besar, ida ne’e mak presiza aprosonalismu uza ita nia kompetensia husi ita nia Espesialista bá anti Korrupsaun ne’e, ita presiza servisu ho profisionalismu ho servisu ne’ebé makas, liu-liu ita reforsa tan ita nia estadu iha rai laran, iha rai li’ur ne’e sei audotir internasionál inklui mós PSIK no KAK mós reprezenta iha laran maibé ita fokus liu bá iha rai laran ,ida ne’e presiza fo hanoin liu-liu ba pasadu sira servisu ho di’ak ho impresidade independente”, nia dehan.
Kona-ba servisu hamutuk ho instituisaun ha’at ne’ebé mak agora estende ona ema oin-oin, servisu hamutuk ho funsaun públiku PDHJ KAK ho inspitor jerál do estadu.
” ita sei servisu hamutuk inklui mós ba iha Ministériu Finansas ba iha patrimonio estadu ida ne’e mós tempu besik mai komisariu KAK, momentu ne’e ami ko’alia hotu ona maibé komisariu KAK foin fulan ida ho balu ita atu aselera servisu hamutuk para atu halo monitorizasaun fiskaliza ba makina estadu liu-liu funsionariu públiku ne’ebé mak servisu estadu ninian”
Reportagem: Abrão da costa
