Díli, 24/08/2024 (LABEH)- Loron 25 fulan Agustu tinan 2024 nudar aniversariu Lalenok Ba Ema Hotu nune’e iha loron Sabadu loron 24 fulan Agustu tinan 2024 familia boot ONG LABEH no estudante sira abertura aniversáriu labeh ba dala 21 ho missa agradesimentu iha paroquia Maria Auxiliadora Comoro no kari ai-funan iha kruz boot Semiteriu Rai Kotu.
Relasiona ho kari ai-funan ne’e Diretor Ezekutivu Lalenok Ba Ema Hotu LABEH Christopher Henry Samso hateten kada tianan LABEH sempre lori ai-funan ba kari iha semiteriu hodi fo homenagen no agradese ba matebian sira ne’ebe kontribui ba ezistensia Lalenok Ba Ema Hotu nian
“ kada tinan wainhira tama iha aniversáriu Lalenok Ba Ema Hotu LABEH la haluha ita nia matebian sira sira ne’ebe kontribui ona ba atividade lalenok ba ema hotu nia atividade dereita mente no indireitamente nune’e iha oportunidade ida ne’e LABEH husu missa no sira ne’ebe iha prosesu luta hasoru korupsaun no sira ne’ebe kontibui liliu ita nia eis membru board LABEH no estaf antigun balun ne’e fila ona ba aman maromak nia kadun santu” dehan Diretor Ezekutivu Lalenok Ba Ema Hotu LABEH Christopher Henry Samso iha simiteriu Rai Kotu Díli, 24/08/2024
Ezekutivu ne’e afirma ho Ezistensia lalenok ba ema hotu nian ba dala 21 LABEH iha esperansa bele servisu diak liu tan nune’e sei lori lian ba povu ki’ik sira .
“ ha’u hanoin katal lalenok ba ema hotu iha tempu ne’ebe difisil kontinua nafatin hakat ba nei-neik hakat ba beibeik i ekipa LABEH iha esperansa ita sei servisu maka liu tan no sai nafatin lian ba ema sira ne’ebe lian laiha LABEH sei kontinua nia vizaun no misaun luta hasoru korupsaun I ha’u fiar metin katak laiha fatin atu simu hahalok ne’ebe la kontribui ba dezenvolvimentu , ho nune’e mak ekipa LABEH iha departamentu hotu-hotu hodi servisu makas hodi tuir visaun no misaun LABEH ha’u iha esperansa LABEH sei servisu diak liu tan”
Aniversariu Lalenok Ba Ema Hotu iha Tinan ne’e mak ho tema ” Tinan 21 LABEH kontribui Ba Etadu No Nasaun nune’e aniversariu LABEH realiza iha munisipiu Likisa.
Reportajen : Ekipa Kobertura
