Díli, 04/09/2024 (MEDIA LABEH) – Governo liu husi Sekretariu Estadu Asuntus Toponimia Organizasaun Urbana (SEATOU) Ne’ebe lidera husi sr. Germano Santa Brites Dias orienta nia ekipa sira harahaun negosiantes ambulantes sira nia sasan iha Comoro ho fatuhada ikus tenta atu hapara servisu jornalista sira nian iha espasu publiku ne’ebe mak sira halo barailla ba.
Husi situasaun ne’e hatudu katak, ukun ne’ebe mak la afavor ba povu nia moris no hamate liberdade imprensa no liberdade espresaun iha pais demokratiku ida ne’e.
Tanba ne’e, Konsellu de imprensa (CI) nu’udar instituisaun independente estadu nian ne’ebe imprensa no liberdade espresaun iha pas ne’e. Espesialmente iha ambitu vizitasaun amu papa nian, kontinua ezerse ninia mandatu hodi garante no promove liberdade imprensa atu kanal midia no jornalista sira halo sira nia aktividade jornalistika ho livre iha kontestu kobertura no publikasaun. Presizamente, entidade sira estadu nian, liu-liu aparellu estdau nian hanesan polisia tenta atu respeita midia no jornalista ninia servisu iha terenu.
Komunikadu imprensa ne’e realiza iha salaun enkontru konsellu imprensa quintal boot quarta feira ne’e, ne’ebe lidera husi prezidente konselu imprensa otelio ote ho nia ekipa sira.
Tuir portavoz consileira Isabel M.F.de Jesus, afirma katak, hahalok ne’ebe mak pratika husi oknum polisia nasional timor leste ne’ebe halo detensaun ba jornalista antonieta ne’ebe halo hela intervista ho negosiantes afetadus sira no mos ekipa seatou nian ne’ebe tenta mos atu hadau ekipamentus proprietariu husi jornalista Susana Cardoso nian ne’ebe mos hala’o hela live iha situasaun ne’e, bandu atu jornalista labele halo kobertura, tanba ne’e konselu imprensa iha timor leste hola nia pozisaun katak aktu sira ne’e hanesan hasoru liberdade imprensa iha pais demokratiku ida ne’e tuir lolos la merese atu akontese tan.
“atu aproveita oportunidade ida ne’e, ha’u hakarak hato’o kolega jornalista no publika katak aktu detensaun hasoru jornalista diligente antonieta kartono martins no aktu hadau jornalista Susana Cardoso husi autoridade seguransa bainhira halo kobertura ba prosesu eviksaun iha merkadu Comoro nu’udar aktu tentative no ameasa hasoru liberdade imprensa iha timor leste nu’udar pais demokratiku. Aktu ne’e merese akontese tanba jornalista sira halo hela sira nia papel kontrolu sosial iha pais demokratiku ida ne’e hodi garante dezenvolvimentu pais nian ne’e tuir planu no programa ne’ebe iha ona” deklara consileira Isabel
Iha Konstituisaun Republika Demokratika De Timor Leste lei komunikasaun sosial nian ne’ebe haktuir iha artigu haat nulu (40) no haat nulu resin ida (41) deklara katak, la iha sidadun ida ka instituisaun estadu ida atu halo impedementu ka perturba kompozisaun imprensa nian ba jornalista sira no fo espasu ba jornalista sira hodi halo sirkulasaun livre hodi halo kobertura, no hateten mos iha artigu ualu (8 to’o 10) lei komunikasaun sosial nian ne’ebe koalia mos kona ba liberdade imprensa no liberdade informasaun nune’e orgaun independente imprensa nian iha timor leste konsidera aktu seguransa nian ne’e hanesan sensura informasaun ba publiku atu labele hatene.
“ aktu ida ne’e kontra mos konstituisaun RDTL artigu 40 no 41 ne’ebe garante liberdade imprensa no informasaun lolos no kredivel sein impedementu husi parte ne’ebe de’it, alein ida ne’e mos, aktu seguransa nian hodi detein jornalista no hadau atu estraga ekipamentu jornalista nian mos kontra lei komunikasaun sosial , artigu 8,10 ne’ebe ko’alia kona ba liberdade imprensa, liberdade informasaun no sensura , nune’e aktu seguransa nian ne’e mos konsidera nu’udar aktu sensura ba informasaun ba informasaun ne’ebe tuir lolos publiku tenki hetan nu’udar direitu baziku ema nian, maibe ida ne’e la akontese” tenik nia
Enkuantu liu husi aktus sira hanesan ne’e bele hamout ranking liberdade imprensa ho liberdade espresaun nian tun liu iha pais demokratiku ida ne’e.
Reportajem: Abrao da costa
