Díli, 04/09/2024 (MEDIA LABEH) – Prezidente Institutu Nasional Defeza Direitu ba Labarik (INDICCA .IP, sigla portugés) Dinorah Granadeiro konsidera traballu infantil bele iha konotasaun esploitasaun ba labarik sira.
“traballu infantil nudar termu fornese servisu ba labarik, no termu ne’e bele iha konotasaun esploitasaun ba labarik relasiona ho sira nia enerjia servisu ,salariu ne’ebé minimu sei konsidera labarik sira nia kresimentu individu ,siguransa ,saúde no futuru ne’ebé prospero” Presidenti INDDICA .IP Dinorah Granadeiro informa liu husi konferensia Imprensa iha Salaun INDDICA, Caicoli, 04/09/2024
Presidenti INDDICA hateten labarik sira presiza tempu ba halimar ,estuda no partisipa iha aktividade ne’ebé hasa’e sira nia konesementu no dezenvolvimentu.
“bazia ba iha rezultadu monitorizasaun husi unidade monitorizasaun víolasaun direito labarik ,inddica.ip nota katak maioria labarik ne’ebé fa’an sasan négosiu iha dalan ninin sira nia familia inan aman,reprezentante legal , iha kondisaun saúde diak no sira hakmatek iha uma ,maibé kiik oan/menor sira maka ba fa’an négosiu iha dalan ninin.” Dehan Prezidenti INDDICA
Bazeia ba lei traballu kódigo laboral artigu 66-69,artigu 67. lei sita kona- ba kontratu, protesaun espesial ba idade, atu halo servisu no servisu Kaman.
“INDDICA.IP, nota katak ,inan aman no reprezentate legál viola labarik nia direitu no komete esploitasaun ba labarik tanba inan aman no reprezentate legal uza sira nia pozisaun superior ho objectivu obrigra labarik/menori foti pozisaun responsavelidade ba ekonomia familia/individu ,sei tau importansia ba labarik nia seguransa ,direitu no dezenvolvimentu fíjiku no saúde mentál. Nia esplika
INDDICA .IP nota katak , labarik barak mak halo négosiu iha kalan ho oras ne’ebé tuir lolos labarik sira presiza deskansa.
“ami preokupa se aktividade sira hanesan ne’e kontinua ,oinsa ho labarik sira nia futuru, tanba ita hare ba iha situasaun sira hanesan ne’e bele sei fo presudika ba iha futuru labarik sira nia iha tempu oin mai sai la di’ak. Nia preokupa
Nune’e Prezidenti INDDICA .IP husu ba inan aman atu kontrola oan sira labele fa’an sasan iha dalan ninin.
“liga ho vizita sua santidade papa francisco mai timor-leste, Instituisaun PNTL no FFDTL sei halo vizilansia maximu iha dili laran ho nunee, INDDICA .IP, apelu ba inan aman ,reprezentante legal nomos induvidu ne’ebé tau matan ba labarik sira hotu”, hakotu.
Reportajen: Anito Da Silva
