Díli, 02/09/2024 (MEDIA LABEH)- Prezidente Autoridade Munisipiu Dili, Gregório da Cunha Saldanha “Mouris” sente triste no preokupa tebes ho povu nian situasaun ne’ebe hetan atuasaun husi SEATOU ho nia ekipa jestaun merkadu sira halo ba komunidade sira ne’ebe buka moris iha dalan ninin.
Tanba ne’e presidente Autoridade Munispio Díli konsidera hahalok sira ne’e krime.
“Hau mai husi povu ne’ebe terus hanesan mos ho povu ne’ebe terus husi hahalok nebe’e SEATOU halo, Hanesan ema rezistensia iha tempu ne’eba hamutuk ho povu luta liberta povu husi hahalok krime, violensia, torturasaun. Loron ohin, hanesan Prezidente Autoridade Munisipiu Dili, hau protesta, hau deskorda no hau kondena maka’as ba hahalok ne’ebe akontese, iha loron Tersa, iha Kampung Baru, Elemloi no Fatuhada, halo povu vendedores nafatin sai vitima.” katak PAM Díli Gregório da Cunha Saldanha “Mouris” quarta feira ne’e 04/09/2024 iha nia knar fatin matadoru Díli
Autoridade masimu Munisipiu Dili ne’e hateten, nia parte sente triste bainhira rona ki’ik oan ida bolu nia aman ho lian, Apa,Apa ne’e hanesan lian ida ne’ebe sente provoka tebes, hosi lembra hikas situasaun sira ne’ebe akontese iha tempu okupasaun militar Indonésia nian durante tinan rua nulu resin iha timor leste liu-liu akontesimentu insidente masakre santa cruz iha loron 12 fulan novembro tinan 1991.
“wainhira hau simu gravasaun video ne’e, no hau rona lian labarik hakilar bolu “apa.” Hau hanoin hikas ba historia rezistensia, iha momentu ne’eba akontese insidente masakre Santa Cruz 12 Novembru 1991, wainhira militar Indonesia baku no sona, maluk sira hakilar bolu “Apa” ami mate ona” Haktuir PAM Díli
Tanba ne’e, seatou ho nia ekipa sira prátika hahalok Hirak ne’e la reflete Mudansa ruma iha pais demokratika ida ne’e, maibe lori fali memoria tristeza ida ba povu, ne’ebe lolos povu labele sai vitiima bebeik ona ba iha nia rain rasik hanesan hahalok kriminozu, bandalizmu, premanizmu, ne’ebe halo husi seatou ba nia povu sira nafatin terus. Ne’e duni, nia parte deskorda total, no halo protesta sem rezerva ba aktus hirak ne’e no husu ba SEATOU atu hapara hahalok hirak ne’e.
Reportagem: Abrão da costa
