Díli, 16/09/2024 LABEH – Fundasaun Mahein (FM) orgullu no apresia tebes ba servisu ekipa operasaun seguransa pombu mutin, ne’ebe durante ne’e hala’o ona servisu hodi garante tebes ba situasaun hotu iha sira nia opersaun liu-liu iha ambitu preparasaun amu papa nia vizita iha Timor-Leste.
Tuir Diretor Fundasaun Mahein Nelson Belo katak, servisu tomak husi pombu mutin nian ne’ebe, durante ne’e hala’o opersaun di’ak tebes hodi asegura tebes situasaun sira iha timor leste ligadu ho amu papa nia vizitasaun ne’e hakmatek no la iha violasaun ruma husi krimi nian.
Tanba ne’e ezistensia pombu mutin nian iha Timor-Leste hanesan seguransa opersaun ida ne’ebe konjuntu husi policia nasional Timor-Leste (PNTL) ho Forsa Defeza Timor -Leste (FDTL) ne’ebe hala’o knaar husi fronteira no mos iha Kapital Dili.
“Fundasaun Mahein nia observasaun jeral ka monitorizasaun jeral ba iha seguransa husi koperasaun pombu mutin, ami hakarak parabeniza no kongratula operasaun seguransa pombu mutin ne’ebe mak susesu no primeira ves iha ita nia eventu importante ba ita nia estadu no mos ba povu Timor Leste nu’udar relijiaun katolika, amu papa nia vizita ida ne’e seguransa tarefas pombu mutin halo nia knar ida ne’ebe mak di’ak teb-tebes husi Kapital Dili to’o iha fronteira internasional sira hanesan tasi nian no iha rai ketan sira” deha director ezekutivu Fundasaun Mahein(FM) Nelson Belo ba jonalista sira tersa feira ne’e 17/09/2024 iha resintus Fundasaun Mahein Bidau
ezekutivu ne’e afirma tan, relasiona ho subsidiu ne’ebe mak atu apoio ba iha servisu ekipa seguransa sira ne’ebe durante ne’e iha lina oin ne’e, depende ba politika governu nian, atu apoio ga lae maibe hanesan seguransa tenki perante hala’o knar ho responsablidade la’os tanba de’it ba subsidiu iha mak hala’o knar.
Nune’e liu husi servisu sira ne’e fo hanoin ba governu sira atu avalia no arkivu hela ba eventual importante sira hanesan ne’e ba futuru bele dezenvolve di’ak liu tan servisu PNTL ho FFDTL,
“Ida ne’e fundasaun mahein konsidera politika ida ne’ebe mak ita nia governo halo Maibe oinsa para kontinua nafatin halo avaliasaun ida ba eventu sira seluk iha futuru, Policia ho Militar nafatin iha situasaun ne’ebe mak sempre prontu atu servi, la’os atu ba de’it subsidiu ne’e maibe sai ona sira nia knar importante ida ne’ebe mak sira halo atu nune’e labele hein subsidiu” nia sublina
Reportagem: Abrao da costa & Honorio guterres
