Díli, 19/092024/ (LABEH) – Ministeriu Saude (MS) liu husi diresaun nasional Farmasia (DNF) kolabora hamutuk ho parseiru dezenvolvimentu sira, realize workshop hodi konsultasaun atualizasaun manual farmako vijilansia nasional iha Timor-Leste
Nune’e iha atividade worshop ne’e, liu husi intervista vise Ministru saúde ba operasionalizasaun hospitál (VMOH-Sigla portugués) Flávio Brandão Mendes de Araujo hateten workshop ida ne’e atu bele hadia liu tan servisu saúde nia no fármasia i Medikamentu sira iha rai laran.
‘Ita hotu hatene katak ai-moruk sira Ne’e mós tenki iha nia kualidade,tanba aimruk ne’ebe la iha kualidade afeta mos ba pasiente sira nia saude, tanba ne’e atu garante aimoruk nia kualidade, ita tenki iha duni padraun ida ne’ebe forti, ho situasaun atual, I pratika mos regional ni internasional nian, nune’e ita bele garante kualidade aimoruk iha sentu saude sira”. Dehan Vise Ministru Saúde Ba Operasionalizasaun Hospitál (VMOH-Sigla portugués) Flávio Brandão Mendes de Araujo iha Timor Plaza, Kinta 19/09/2024
Governante espera katak, detlain sira ne’e bele fó resposta diak ba iha situasaun no bele funsiona ba iha ne’ebé mak ho di’ak, nune’e atu garante duni katak hanesan nasaun ida iha Autoridade para hodi regula duni medikamentu ne’ebé maka iha rai laran.
Alende MS liu husi DNF kuntinua halo kolaborasaun ho nasaun Autralia hodi fó teste ba iha Aimoruk sira, maibé hanesan nasaun Timor-Leste tenki hare ona padraun sira ne’ebé maka halo ba oin bele indepedentemente hodi bele halo iha rai laran, maibé sidauk to’o iha neba presizamente tenki hare saida maka atu bele resposta ba iha buat ne’ebé maka simples, ho buat ne,ebé maka lo’os.
Iha fatin hanesan Diretor apoiu diagnostiku no terrapeutiku hospital nasional guidu valadares, Vidal de Jesus Lopes hateten, workshop ida ne’e imortante tebes, tanba aimoruk sira ne’e presiza halo konsultasaun, nune’e la bele fo perigu ba pasiente nia saude.
“Hau hanoin atividades ida ohin ne’e importante tebes tanba aimoruk sira ne’e ita presiza halo konsultasaun atualizasaun manual farmako vijilansia nasional iha Timor-Leste, nune’e la bele fo perigu ba pasiente nia saude”. Nia dehan
Enkuantu konsultasaun atualizasaun manual farmakovijilansia nasional ba Timor-Leste ne’e, hetran apoiu husi parseiru dezenvolvimentu sira husi banku dezenvolvimentu Asean (ADB) UNICEF no WHO.
Entrtantu iha workshop ne’e partisipa husi,Ministteriu saúde,direktor hospital nasiónal ,direksaun nasiónal farmasia I medikamentu,WHO,ADB, no husi departementu Farmakovijilansia.
Reportajen: Anito Da Silva
