Díli, 23/09/2024 (LABEH) – Tuir dadus Autoridade Protesaun Sivil (APC) katak, dezastre naturais ne’ebe akontese (DN), hanesan insendiu, anin no udan bo’ot iha semana ida ne’e ema nain ida mak lakon nia vida no kanek nain rua
Diretor Gabinete Relasaun Externa No Komunikasaun (GREK) Cesario Marques infoorma, afetadu ba Dezastre Naturais ne’ebe rezulta ema nain ida lakon nia vida no nain rua kanek ne’e kauza husi udan Bo’ot, mota nia korente bo’ot lori alin nain tolu maibe nain ida konsege lakon nia vida.
“Iha momentu ne’eba telfone husi administrador postu watukarbau katak iha suku Batata aldeia nunuwai iha loron 18 fulan setembru tinan ne’e akontese mota lori labarik nai 3, nain rua kanek, no nain ida la konsege salva nia vida”. Dehan Diretor gabinete relasaun externa no komunikasaun (GREK) Cesario Marques hafoin aprezenta dadus DN iha salaun APC Caicoli Segunda, 23/09/2024
Alende ne’e nia dehan, Hahu husi loron 16 to’o 23 fulan setembru tinan 2024 durante semana ida iha teritoriu nasional normal, no akontese tipu dezastre ne’ebe APC rezistu ho numeru estragus hamutuk 32, anin sobu uma 31, insendiu ida, mate nain ida no kanek rua
Numeru afetadu hamuutuk 181, liu-liu iha munisipiu sira mak hanesan, iha munisipiu Atauru anin sobu uma ida, iha munisipiu Baucau anin sobu uma 27, iha munisipiu Covalima anin sobu uma ida, Dili anin sobu uma rua.
Nune’e iha munisipiu Viqueque relasiona ho kazu anin no udan bo’ot ne’ebe akontese iha ne’eba, rezulta ema nain ida mate no nain ida kanek, no iha momentu ne’e vizita official husi prezidente autoridade protesaun sivil ho nia director nasional sira no mos ekipa sira.
Enkuantu Hahu husi fulan janeiru to’o setembru hahu husi munisipiu aileu to regiaun administrativu especial oecuse ambeno simu ona material emerjensia ba rekonstrusaun ne’e hamutuk uma kain 3.012. nune’e mos uma kain hamutuk 31 mak seidauk simu tanba sei presija hare konkorente sira ne’e los ou lae, depois mak distribui ba uma kain ne’ebe mak seidauk hetan.
Reportajen: Adão da Costa
